منظمة حفل عصام صاصا ترد على منتقديه: كفاية ظلم الآلاف بيموتوا كل يوم

وجهت منظمة حفل عصام صاصا في الإمارات رسالة شديدة اللهجة لمنتقديه، بعد أزمة حادث السير قبل حوالي 3 أسابيع.

وروجت سارة خليفة منظمة حفل عصام صاصا للحفل المقرر له يوم السبت 8 يونيو 2024، عبر حسابها الشخصي بموقع انستجرام.

تصريحات منظمة حفل عصام صاصا في الإمارات

وكتبت: «يلا بينا يوم السبت في ذا شو.. وياريت والله واتمنى كل الناس اللي بتحب عصام اللي هما ملايين تقف جنبه وتدعمه وكفاية ظلم فيه شوية».

وتابعت منظمة حفل عصام صاصا: «كلنا ومش بستثنى حد بنغلط لو فكرنا بس كل يوم كام حادثة على الدائري الآلاف بيموتوا اللي سايق بيدفع 250 جنيه وبيمشي وهقولكوا على حاجة مهمة عصام كان معاه كل أصحابه لما وقف قالوا له إمشي وهنقول أي حد فينا ساق قالهم لأ».

حفل عصام صاصا في الإمارات

حادث عصام صاصا

واستكملت: «ولو كان وافق مكنش زمان حد سمع عن الحادثة دي أصلا بس هو علشان راجل قرر يواجه فكفاية والله العظيم حرام اللي حصل فيه ده كله ده تقريبًا كل يوم بندور له على تهمة جديدة كفاية».

يشار إلى أنه في يوم 26 مايو 2024، قررت النيابة العامة بالجيزة، إحالة عصام صاصا مطرب المهرجانات، لمحكمة الجنايات، لاتهامه بالقتل الخطأ والتسبب فى وفاة عامل عقب دهسه بسيارته.

وكشف تقرير الطب الشرعي الخاص بمطرب المهرجانات عصام صاصا ثبوت تعاطيه المواد المخدرة، حيث تسلمت جهات التحقيق تقرير تحليل المخدرات الخاص بالمطرب عصام صاصا بعد أخذ عينة من دمائه لتحليلها.

وكشفت تحقيقات النيابة العامة أنه 'صاصا' كان يقود السيارة بسرعة ما بين 70 لـ 80 كم/س وأنه جار الوقوف من الإدارة العامة للمرور على سرعة الطريق المقررة ومراجعة كاميرات المراقبة للوقوف على سرعة السيارة.

كشفت تحريات الأجهزة الأمنية بالجيزة بإشراف اللواء محمد الشرقاوي مدير الإدارة العامة لمباحث الجيزة، الملابسات الكاملة لاتهام مطرب المهرجانات عصام صاصا بدهس شاب اعلى الطريق الدائري بالطالبية.

وأفادت التحريات بقيادة اللواء هاني شعراوي مدير المباحث الجنائية والعميد علي عبد الرحمن رئيس مباحث قطاع غرب الجيزة أن المطرب أثناء سيره أعلى دائري المنيب قبل نزلة المريوطية فوجئ بمرور شاب للطريق فاصطدم به بسيارته وأطاح به لعدة أمتار وتوقف حتى وصلت قوات الشرطة ونقلت سيارة الإسعاف الشاب المصاب إلى المستشفى إلا أنه فارق الحياة وتبين من فحص متعلقاته أنه سائق في أواخر العقد الثالث من العمر.

انتقلت قوة أمنية برئاسة العقيد سامح بدوي مفتش مباحث فرقة غرب الجيزة والمقدم أحمد فاروق رئيس مباحث الطالبية إلى مسرح البلاغ وتم إلقاء القبض على عصام صاصا، وأخطرت مستشفى الهرم القسم بوفاة الشاب متأثرا بإصاباته وجروحه جراء التصادم، فتم تحرير محضر بالواقعة وأخطرت النيابة العامة للتحقيق.

منظمة حفل عصام صاصا

عصام صاصا