منى هلا تكشف تعرضها للتحرش من جارها: عندي كوابيس من اللي حصل

كشفت الفنانة منى هلا عن تعرضها للتحرش الجنسي من رجل أجنبي الجنسية يبلغ من العمر 74 عامًا، مؤكدة أنها لم تتمكن من اتخاذ رد فعل لحظة وقوع الحادث.

وقالت منى هلا، في تصريحات تلفزيونية: "جاري عنده 74 سنة اتحرش بيا السنة اللي فاتت، ورحت عملت له محضر، وبلغت بنته ومراته وجيرانه. أنا مش شايفة إن ده انتقام، لكن ده حقي".

وأضافت الفنانة: "أنا شايفة إن التحرش ده أقذر حاجة ممكن تحصل للست، لأنك بتقعدي فترة بتشوفي كوابيس. لما بشوفه بيحصل لغيري ممكن أضرب الشخص، لكن لما حصل معايا حسيت إن تفكيري اتشل ومخي وقف".

وتعد تصريحات منى هلا من المرات القليلة التي تتحدث فيها بشكل مباشر عن تعرضها لحادث تحرش، مؤكدة أن التجربة تركت أثرًا نفسيًا كبيرًا عليها.