من الذاكرة| هشام سليم: رفضت استكمال العمل مع رأفت الميهي.. أنا لا أعاتب أحد

دينا دهب 27 يناير 2023 | 06:00 مساءً

هشام سليم تحل ذكرى ميلاده الـ 65 اليوم الجمعة الموافق 27 يناير، وهي أول ذكرى لميلاده عقب وفاته نهاية العام الماضي، وخلال فترة عمل هشام سليم الطويلة، رفض العمل مع المخرج رأفت الميهي بعد أن قدم معه ثلاث أفلام أبرزها فيلم «ميت فل».

هشام سليم يرفض العمل مع المخرج رأفت الميهي

قال هشام سليم في لقاء نادر له، أنه رفض العمل مع المخرج الكبير رأفت الميهي بسبب موقف صغير، وقال: «عملت مع المخرج رأفت الميهي ثلاث أفلام ،وهو له مدرسة لوحده وأحلى حاجة فيه إنه بيكتب اللي بيخرجه».

هشام سليم وشيريهان

وتابع هشام سليم حديثه، وقال: «اختلفت معاه بسبب حاجة بسيطة جدًا، لأني في وسط تصوير أحد الأفلام روحت قولتله إيه رأيك في المشهد ده ويتعمل ازاي، لاقيته قالي اعمله زي ما انت عايز ومقليش وجهة نظره، وقتها حسيت إني اتشفطت وبقيت مش فاهم أنا غلطت في إيه وسألت نفسي هو في حاجة أنا عملتها غلط».

هشام سليم

وأضاف: «من بعد الموقف ده مردتش اشتغل معاه وقولت أكيد هو متضايق في حاجة ورغم إننا شوفنا بعض بعدها وسلمنا على بعض وبنحب بعض، إلا إني عمري ما سألته في إيه ولا هو قالي يا ابني الحكاية كذا وكذا».

هشام سليم لا يعاتب

وكشف هشام سليم أنه ليس الشخص الذي يعاتب، وقال: «اللي بحس إنه زعلان مني مبعتبهوش لأن لو زعلان مني مفروض يجي يقولي أنا زعلان منك عشان كذا وكذا ولو هو صح هقوله أنا أسف، ولو هو غلط هقوله أنا غير المسألة دي خالص».

هشام سليم