من مهرجان القاهرة.. هند عبد الحليم تكشف تطورات حالتها بأول ظهور بعد أزمتها الصحية

كشفت الفنانة هند عبد الحليم تطورات حالتها الصحية، في أول ظهور بعد وعكتها الصحية وإعلان إصابتها بشلل مؤقت في المعدة.

قالت هند عبد الحليم في تصريحات تلفزيونية على هامش حضورها حفل افتتاح مهرجان القاهرة السينمائي بدورته الـ 45: «الحمد لله أنا حاليًا بخير».

تطورات هند عبد الحليم

وتابعت: «واتفاجئت بكم الحب الذي أحاطني من الجمهور، كما فوجئت بأنني تصدرت التريند وقت مرضي».

تحدثت الفنانة هند عبد الحليم عن تفاصيل الوعكة الصحية التي دخلت بسببها المستشفى مؤخرًا، وكشفت تفاصيل مرضها.

مرض هند عبد الحليم

قالت هند عبد الحليم في مقطع فيديو نشرته عبر حسابها الرسمي بموقع انستجرام: «أول حاجة عايزة أشكر كل الناس اللي كانت بتسأل عليا سواء بعتتلي أو كلمتني أو كانت بتحاول تكلمني وتوصلي».

وأضافت: «وبعتذر جدًا لو مكنتش قادرة إني أرد بسبب التعب اللي كنت فيه وشكرًا لكل حد دعالي ولكل حد زارني شكرًا جدًا أنا الحمد لله دلوقتي أحسن وبتحسن تاني حاجة عايزة أقولها يمكن أقدر أفيد أي حد اللي حصلي ده بسبب حقن التخسيس مطولتش فيها خالص أخدت شهر وأسبوع تقريبًا تعبت جدًا ودخلت المستشفى».

واستكملت هند عبد الحليم: «وحصلي شلل مؤقت في المعدة أدى لأني مكنتش عارفة أكل ولا أشرب وألم رهيب وكنت قاعدة على المحاليل، نصيحتي لو أي حد عايز يعمل كده لازم تتابعوا مع دكاترة وتعملوا التحاليل اللازمة».

واختتمت: «عشان تشوفوا لو جسمكم هيسحتمل ويبقى قابل لده أو لأ، بس كده»، وتفاعل معها متابعيها وأصدقائها وجمهورها بتمني الشفاء العاجل لها.

هند عبد الحليم