مهاب مجاهد يوجه 6 نصائح ذهبية لابنة حسام موافي وعريسها: إكرميه في مامته وشاركوا بعض أحلامكم

وجه الدكتور مهاب مجاهد، استشاري الطبي النفسي، نصائح ذهبية للعروسين خلال حضوره عقد قران الدكتورة مريم ابنة الدكتور حسام موافي، أستاذ الحالات الحرجة بكلية طب قصر العيني.

وقال الدكتور مهاب مجاهد: «عايز أقول للعريس 3 حاجات، خلي قلبك سليم والقلب السليم هو اللي مبيتعلقش بحاجة مش بتاعته ومش بيبص بره ورقته».

وأضاف: «خلي غضبك رحيم، متبقاش بياع ولا غدار وقت الغضب، واستنى الغضب لما يخلص قبل العتاب ما يبدأ.. وتالت حاجة خلي طبعك كريم.. قلب الست يميل للراجل الكريم والكريم في مشاعره أهم وقبل الكريم في فلوسه كمان».

كما وجه الدكتور مهاب، 3 نصائح للعروس مريم، قائلا: «بطنه ومش لأن الراجل كائن مفجوع، لكن الأكل هي الطريقة اللي أمهاتنا عودونا على التعبير عن الحب بيها؛ فارتبط بأن الأكلة الحلوة والتفكير بيا وأنا في شغلي، بالحنان والحب».

وتابع مجاهد: «ماماته حبيها بمنتهى الإخلاص ومن النهاردة مش حماتك ديه ماماتك التانية.. وإكرميه في مامته يكرمك العمر كله، لأنها هي حبه الأول وهو حبها الأخير، علشان كده عمرك ما هتوقفي ما بين الحب الأول والأخير وتخرجي سليمة ديه مفرمة».

وأكمل استشاري الطبي النفسي: «مساحته الشخصية.. الزواج مش سجن، إرخي الحبل خليكي دائما ملاذ آمن، هو عايز يروحله مش قفص، عايز يهرب منه».

وواصل: «الرسالة الأخيرة للعروسين.. شاركوا بعض أحلامكم، خليكي سعادته مش مجرد فرحة في حياته، خليكي دماغه اللي بيفكر بيها، وأقوله هو خليها أمانك وسرك، وليك خصوصية، لكن هينجح الزواج يوم تقرر التنازل عنها بالكامل لمراتك لأن مفيش أمان ولا سر غيرها».