مها أحمد: مغلطش في السقا وكرارة عشان أعتذر لهم

علقت الفنانة مها أحمد على أزمة غضبها من الفنان أحمد السقا، والفنان أمير كرارة أثناء عرض مسلسل «نسل الأغراب».

وأوضحت مها أحمد في تصريحات تليفزيونية، قائلة: «الغضب مخسرنيش السقا وكرارة، ومقصدش ازعل أحمد وأمير، وساعتها مقللتش منهم، والسقا أخويا ولو شاف حاجة معجبتوش فيا بيقولي، لكني غلِط إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا، ولما لقيت الناس عاملة اكونتات فيك قلت لا اعمل اكونت خاص ليا، وقلت أقعد افضفض مع نفسي عالسوشيال، نمت صحيت لقيت الدنيا مقلوبة عليا، واكتشفت إن في ناس في السوشيال بتكرهك أكتر ما بتحبك».

وأضافت مها أحمد قائلة: «كبريائي معملتش حاجة تستاهل اني اعتذر لكرارة والسقا، ومجدي عاتبني وقالي كنتي قلتيلي او فضفضتي معايا الأول، وكان ممكن اشيل البوست اللي عملته لكن لقيت في توابع فيها تطاول، فقلت مش هشيله، كل الفنانيين كانوا محايدين حتى النقابة».

وأشارت مها أحمد قائلة: «في فنانات ومذيعات مرتزقة كتبوا شكر للسقا وكرارة، على اساس اني بنت البطة السودة، واللي فرق معايا 3 أشخاص، واحدة قعدت تشكر ف المسلسل وبعدها كلمتني، والتانية معروف انها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟، وأنا معاتبش حد بالعكس بسيبه على عماه».