مهند حسني عن دوره في «الطاووس»: «ماينفعش نتعاطف معاه لأى سب»

وجه الفنان مهند حسني رسالة إلى الجمهور، عن دوره في مسلسل «الطاووس»، والذي جسد دور من أحد المغتصبين لـ«أمنية» والتي تجسد دورها سهر الصايغ، حيث استقبل ردود فعل سلبية من متابعيه.

وكتب عبر حسابه الشخصي «انستجرام»،«الاغتصاب جريمة مالهاش مبرر... وأنا شخصياً ضد شخصية حماد اللي بظهر بيها في رمضان السنة دي في مسلسل الطاووس».

أضاف: «وبالمناسبة أنا عمري لا اتعاطفت ولا هتعاطف معاه، وعلى اقتناع تام أن شكل وهيئة المتحرش والمغتصب ومستواه المادي والاجتماعي مش ممكن أبداً يكونوا حاجة نتعاطف بيها معاهم».

وتابع، «‎توضيح... ‎أنا بعمل شير لكل آراء الناس المتابعة والمتفاعلة مع المسلسل، 'كل الآراء'سواء سلبية فيها دعاوي وحسبنه عليا وشتايم ليا ، وبردو الإيجابية اللي فيها كلام حلو بكل أشكاله. واللي يعرفني كويس او متابعني من زمان هيلاقيني دايما بعمل كده'.

وأوضح سبب ذلك قائلاً، «ده مش معناه أني مؤيد لكل الكلام اللي بعمله شير، وده بردو مش معناه أني بشجع الناس تستهون بالموضوع لمجرد أن شخصية حماد المغتصب ده شكله وسيم.انا بعمل شير لمشاركة نجاح الدور مع الناس كعادتي ليس الا ‎واللي وصل للبعض غير مقصود تماماً، واللي كنت بحاول اعمله أني أحاول اتفاعل مع جمهور المسلسل اللي بيشجعوني أو بيقولوا كلام كويس أو كلام مش كويس بأني اهتم بكلامهم مش أكتر . واخيرا الشخصيات اللي زي حمّاد ده ماينفعش أننا نتعاطف معاها لأي سبب مهما كان'.

مسلسل«الطاووس» تأليف كريم الدليل، إشراف على الكتابة محمد ناير، إخراج رؤوف عبد العزيز، وبطولة جمال سليمان، سميحة أيوب، أحمد فؤاد سليم، سهر الصايغ، رانيا محمود ياسين، محمد عادل، خالد عليش، عابد عناني، مهند حسني، جميل برسوم، نهال عنبر ودانا حمدان.

منع سفر مغتصبي سهر الصايغ خارج البلاد بالحلقة الـ6 من مسلسل الطاووس

تفاصيل الحلقة الرابعة من مسلسل الطاووس .. سهر الصايغ ترفع قضية على المغتصبين