ميدو يُشيد بـ شيكابالا: موهبته كانت تؤهله للعالمية.. لكنه اختار أن يكون أسطورة الزمالك

أشاد النجم أحمد حسام "ميدو" بموهبة زميله السابق وقائد الزمالك المعتزل محمود عبد الرازق شيكابالا، مؤكدًا أن اللاعب امتلك قدرات تؤهله للعب في أكبر أندية العالم، لكنه اختار أن يكتب تاريخه داخل جدران القلعة البيضاء.

ونشر ميدو رسالة مؤثرة عبر حسابه الرسمي على منصة "إكس"، قال فيها:" شيكابالا مش زي أي لاعب عادي، لأنه ببساطة كان إنسان قبل ما يكون لاعب كورة، ربنا أنعم عليه بموهبة فطرية، ومعاها قلب طيب زي أغلب أهل أسوان".

وأضاف:" أنا عارف محمود عبد الرازق كويس جدًا، جدع وراجل من صغره، ولما اتزاملنا في الملعب كان قيمة فنية نادرة في الكورة المصرية، ولما دربته في الزمالك والإسماعيلي، كان دايمًا لاعب فذ يقدر يقلب أي ماتش في لحظة".

وتابع نجم الزمالك الأسبق:" شيكابالا اتولد في مدرجات حلمي زامورا، وعاش عمره جوه الزمالك. اختار يكون أسطورة، ولعب ٣٠ سنة في قطاع الناشئين والفريق الأول، لحد ما بقى كابتن تاريخي للنادي".

وأكد ميدو أن شيكابالا فضل الزمالك رغم كل الظروف، قائلًا:" كانت موهبته تؤهله للعب في أكبر أندية العالم، لكن في أصعب الأوقات كان بيرجع بيته الزمالك يكمل الرحلة، ويفضل روح النادي اللي شايل الفريق على كتفه، حتى في أسوأ ظروفه".

واستطرد:" شيكابالا كان كابتن بروح ميت عقبة، حتى لما جم لاعيبة كويسة، كان هو القائد اللي بيدلهم على طريق البطولات ومنصات التتويج".

واختتم ميدو رسالته بكلمات مؤثرة بعد إعلان شيكابالا اعتزاله كرة القدم:" بعد ما قرر يعلّق الحذاء، ويحرمنا من سحره في الملعب، مكانه الطبيعي دلوقتي في مدرج التالتة يمين، وسط أساطير الزمالك الكبار. رحلتك دلوقتي ككادر للزمالك، وبردو البداية من المدرج.. زي ما بدأت من ٣٠ سنة، يا ساحر".