ميرفت أمين عن صورة العزاء: هل المطلوب أروح بالميك آب؟

انتقدت الفنانة الكبيرة ميرفت أمين، طريقة تناول بعض رواد مواقع التواصل الاجتماعي صورتها خلال حضورها عزاء المخرج الراحل علي عبدالخالق.

وقالت ميرفت أمين في تصريحات تليفزيونية: «بيتكلموا على عزاء وشكلها مهموم وسنها كبر»، متسائلة: هل المطلوب أروح العزاء بالميك آب؟

وأضافت: «مش بيقدروا إن فيه ناس ممكن تكون بعيدة عني ومش متواصلة معايا طول الوقت، أو بنتي في مكان مش قادرة توصل ليا الناس بتتخض، أنا اتعودت على دا من فترة، ولكن اللي حواليا بتضايق عشانهم.. ليه الأذية للناس اللي حواليا».

ميرفت أمين

رسائل دعم للفنانة ميرفت أمين

حرص عدد كبير من نجوم الفن على دعم الفنانة ميرفت أمين، بينهم الفنانة جيني طعيمة، زوجة الشاعر أمير طعيمة «كل خط من الخطوط اللي في وجه الست ميرفت أمين هانم، أسعدتني جدا وخلتني أحب لما أكبر ولو ربنا أراد وأعيش السن ده أكون بالجمال والهدوء النفسي ده».

كما ردت الإعلامية أميرة سيد مكاوي على منتقدي صورة ميرفت أمين قائلة «لو الأستاذة العظيمة ميرفت أمين راحت العزاء على سنجة عشرة وحاطة ميكب زي مئات السيدات العاديات إللي بقوا بيعملوا كده دلوقتي، كانوا قالوا ودي رايحة عزا ولا رايحة فرح، عاملة تجميل وشادة وشها، كانوا قالوا ما تحترمي سنك وتقبلي انك كبرتي في السن، لأنها راحت طبيعية وحزينة، قالوا الحقوا ملامحها إللي اتغيرت وصور زمان وصور دلوقتي»، متابعا «صدقوني الحكاية مش في أستاذة ميرفت خالص لأنها ست جميلة شكلا وموضوعا غصب عن الكل وفي كل الأوقات..الحكاية في ناس منتظرة أي شيء علشان تجرح ناس متعرفهاش وتتنمر

الفنانة سحر نوح، وجه رسالة للمتنمرين على صورة النجمة ميرفت أمين «ماشفتش في حياتي أبشع من ناس ممكن تتنمر وتعاير حد كبر في السن وكأن العمر والزمن بإيدينا، وكأن اللي بيتنمر هيفضل شباب على طول»، متابعة «فكرة تداول صور فنانات وفنانين ظاهر فيها علامات الكبر علي ملامحهم بتبين تجاعيد أرواح وقلوب اللي نزلوها، وأمراض لعينة مالية نفوسهم وعقولهم المسمومة».

وحرصت المطربة غادة رجب على دعم الفنانة ميرفت أمين بإعادة نشر صورتها عبر انستجرام مصحوبة برسالة خاصة لها «الجميلة دائما الهانم ميرفت أمين».

ميرفت أمين

فنانون يدعمون ميرفت أمين بعد صورة عزاء علي عبد الخالق

ميرفت أمين تكشف حقيقة زواجها من رجل أعمال شهير