مي القاضي تكشف سر فشل خطوبتها السابقة بعد 3 أشهر

كشفت الفنانة مي القاضي أنها مرت بتجربة حب سيئة، أثرت عليها بالسلب نفسيًا وعاطفيًا، وكانت تعلم أن هذا ليس حب، ولكنها كانت تعود لذات الشخص مرارًا وتكرارًا حتى اتخذت قرار الابتعاد.

وأوضحت مي القاضي، في لقاء خاص مع الإعلامية نهال طايل، ببرنامج تفاصيل، المذاع عبر قناة صدى البلد 2، قائلة: «أنا فضلت سنين بسيبه وارجع له، واكتشفت بعد ما طلعت من الموضوع أنه مكنش حب خالص، أنا ماحبتهوش ثانية، هي كانت علاقة سيئة، لأنه كان بيعرف يلاعبني ويوديني وأنا بحبك ويعيط بالدموع عشان ما اسيبهوش، وبعد ما أبقى معاه يرجع وحش، فالموضوع نفسّي بحت».

وأضافت مي القاضي، أنها اتخطبت لنفس الشخص لمدة ثلاثة شهور ونصف، وكانت أصعب تجربة في حياتها، قائلة: «أنا بيجيلي وقت في العلاقة أني مش قادرة أكمل خلاص، عشان اللي قدامي شايفني كويسة، بيتخيل أني عمري ما هعمل كده، بيجيلي وقت الإنسان دا أنا مش قادرة أشوفه تاني، ولو كان في حُب فهو راح، فابعد عن حياتي خلاص مش عايزاك».

ورفضت مي القاضي ظاهرة المساكنة التي تحدث عنها عددًا من المشاهير في وقت سابق، قائلة: «أرفض المساكنة تمامًا احنا في مجتمع مسلم، ومجتمع شرقي، قبل أي حاجة، لأ طبعًا مش مع المساكنة، بس أكيد لازم يعرفوا بعض قبل الجواز وعن قرب، بس مش معنى عن قرب يبقى المساكنة، احنا ممكن ننزل مع بعض كل يوم، وفي فترة الخطوبة احنا عند بعض وأهالينا عند بعض ونقرب من بعض نعرف بعض؛ لأن قرار الجواز ده مش سهل خالص.. واحد بسلمه نفسي والقانون والشرع بيدوله أنه يتحكم فيا تمامًا».