مي محروس تحيي ذكرى ميلاد والدتها نادية العراقية : «من غيرك اتكسرنا»

أحييت مي محروس، ابنة الفنانة نادية العراقية، ذكري ميلاد والدتها عبر حسابها الشخصي بموقع «فيس بوك».

ونشرت مي فيديو يجمع بينهما وبين والدتها، وعلقت عليه قائلة، «ماما أول عيد ميلاد ليكي متبقيش جنبنا ومعانا أكيد انتي دلوقتي في الجنة و مبسوطة مع الملائكة و تيتا و جدو و اخواتك.. كان نفسي اقولك كل سنة و انتي طيبة و ابوسك و احضنك و اعملك مساچ زي ما كنتي بتحبي ».

وأضاف، «والله يا ماما انا مش مستوعبة إنك خلاص مشيتي و سبتينا من غيرك اتكسرنا من غيرك يا أمي انا فعلاً مش قادرة اعيش من غيرك انا عايزاكي وعايزة اشوفك بس عارفة انه مينفعش لأنك عند ربنا الرحمن الرحيم و اكيد مبسوطة».

وتابعت، «شكراً يا ماما على كل لحظة عشتيهالنا و على كل لحظة ضحكتينا و طبطبتي علينا انا بحبك اوي بجد يا روحي .. دايماً كنتي بتحمينا و حتى لما مشيتي بتحمينا .. انا بحس بيكي حواليا و بحس بانك بتطبطبي علينا الحمدلله ربنا مصبرنا بس احنا موجوعين اوي يا ماما محدش فينا مستوعب احنا حاسين انك مسافرة زي كل مرة و راجعة تاني وسطنا».

وأكملت حديثها، «عمري ما كنت اتخيل اني هكتب كده و لا اني هحس الاحساس الصعب ده كنت دايماً واثقة انك هتفضلي عايشة و ربنا هيفتكرني قبلك بس ربنا أراد حاجة تانية الحمدلله ماما الله يرحمك و يكرمك بجنته و سامحيني على اي حاجة كل سنة جاية و انتي في الجنة و بين ايدين ربنا.. بحبك و تعاليلي في الحلم اشوفك»

ورحلت عن عالمنا الفنانة نادية العراقية منذ أسبوع بعد صراع مع مضاعفات فيروس كورونا، حيث عانت من نقص الأكسجين، وتم حجزها في الرعاية لمدة أسبوعين لتلفظ أنفاسها الأخيرة عن عمر يناهز الـ 58عاما.

 

نجل نادية العراقية يهدي والدته ورد وسوشي في ذكري ميلادها .. صورة

ابنة نادية العراقية لوالدتها بعد وفاتها :«مش هحضنك ولا هشم ريحتك تاني» .. فيديو