ناردين فرج تكشف كواليس دخولها العمل الإذاعي ومساعدة أحمد يونس لها

كشفت الفنانة ناردين فرج كواليس دخولها مجال العمل الإذاعي، مشيرة إلى أن بدايتها كانت عندما تخرجت من كلية التجارة بجامعة الإسكندرية، ثم تزوجت وانتقلت للقاهرة.

نادرين فرج تتحدث عن بدايتها كمذيعة

وتابعت ناردين خلال حديثها، وقالت: 'كنت استمع بشكل دائم للإذاعة واتمنى لو أنني أصبحت من مذيعيها، فقررت دخول هذا المجال، وتواصلت مع مسؤول بالإذاعة حينها، وكان صديقا للعائلة، وطلبت منه أن أخضع لاختبار، كي تعرف إذا كانت مناسبة أم لا؟'.

واستكملت نادرين فرج كلامها، وقالت: 'قلت له أنا عاوزة أجرب، اعملي اختبار وشوف لو هنفع، ولما عملت الاختبار كان ساعتها أحمد يونس هو اللي في الراديو، وبالصدفة كان يونس مقرر ياخد فترة ميشتغلش فيها، فأخدوني بسرعة جدا مكانه'.

تصريحات نادرين فرج

وتابعت: 'قالوا لي هو قدامه شهر وهيمشي فلازم يعلمك خلال الفترة دي عشان تبدأي على طول، فقعدت شهر بحاله جنب أحمد يونس بتفرج عليه ومكنش بيكلمني خالص.. لحد ما في يوم قالي اقعدي على الميكسر أنا رايح مشوار ربع ساعة وجاي، وكان برنامج هوا قلت له ازاي لوحدي؟ قالي اشتغلي أنا ماشي.. فطبقت اللي شوفته بيعمله والدنيا مشيت'.

وكشفت رأيها في الإعلامي أحمد يونس، وقالت: 'بحترمه جدا وبعتز بيه.. هو أول واحد علمني ازاي اقعد على ميكسر وأشغل المزيكا واتكلم واحضّر ازاي للحلقة'.