نجل شقيق عبد الحليم حافظ يكشف أول آجر للعندليب في السينما والعمرة التي رحل بعدها.. فيديو

تحدث محمد شبانة نجل شقيق المطرب عبدالحليم حافظ، عن الذكريات التي يتذكرها لعمه الراحل وموقف له مع (صول بالنقطة) وأول أجر تقاضاه في السينما.

أول أجر لـ عبد الحليم حافظ

وقال نجل شقيق عبدالحليم حافظ ببرنامج «إنبوكس» عن أول أجر تقاضاه بالسينما: العندليب كان خير جدا وكان في أول تصوير أفلامه لحن الوفاء كان قابض عربون 100 جنيه من قيمة الأجر بالعمل وهو 300 جنيه، وفي مرة كانوا بيصوروا بمكان وحد كان معدى ولما عرف إن عبد الحليم اللي بصور فقال والنبي عايز أقابله وأنا قريبه من البلد،

فانتظر لحد ما قابله وقاله أنا جواز بنتي قرب وعايزك تساعدني، قالي والله من غير ما يتردد عمك طلع اللي في جيبه وادهوني، وكان كل همه انه يفرج على الناس.

عبد الحليم حافظ وصول النقطة

وروى موقف جمع عبد الحليم حافظ مع صول بالنقطة، قائلا: كان بيتمشى في مرة عند سور نادي الأسماك، وكان لابس بالطو وزعبوط ونضارة، فقابله واحد صول وقاله بطاقتك، فرد عليه قاله أنا عبد الحليم وساكن هنا، فرد الصول عليه وكمان

بتتمحك في الأستاذ تعالا على النقطة، ولما دخل النقطة الضابط خلع النضارة فقال للصول يخرب بيتك انت جايبلي عبد الحليم فحاول الضابط توعد الصول ولكن تدخل عبد الحليم وقاله متعملوش حاجة

وخده وراح فطروا سوا وظلت علاقة حليم بالصول لفترة طويلة حتى وفاته، وكان بيجينا البين بعد وفاة حليم حتى أن توفاه الله.

عبد الحليم وملابس الاحرام

وأضاف: عبد الحليم ليه صورة متداولة بملاس الإحرام ودي كانت عمرة وحظه الحلو إنهم كانوا فاتحين الكعبة للغسل، ودعا كتير جدا وقال إنه حاسس بأحاسيس كتير جدا ولا يستطيع التعبير عنها، وبعدها رجع مصر شوية ومنها الى لندن وبعدها توفاه الله.