نجل شقيق عبد الحليم حافظ يكشف سر الحب الوحيد للعندليب.. فيديو

كشف محمد شبانة نجل شقيق العندليب عبد الحليم حافظ، قصة الحب الأول في حياته من سيدة الإسكندرية وحقيقة زواجه من السندريلا سعاد حسني.

الحب الأول في حياة عبد الحليم حافظ

وقال نجل شقيق عبدالحليم حافظ ببرنامج «إنبوكس»: عبد الحليم حب الحب الوحيد والكبير اللي في حياته كان للسيدة اللي كانت بحياته واتوفت، وكانت مطلقة وعندها طفلين، وجالها مرض صعب اوي وكانت مطلقة، واتعرف عليها في الاسكندرية وراح اتقدم لها ولكن جدها رفض وقال مقدرش أجوزها لحد فنان.

وتابع نجل شقيق عبد الحليم: انهارت وجالها مرض وتعبت جدا وسافرت لندن عشان تتعالج، وجدها جه لعبد الحليم وقاله ده أخر أمل إنك تشوفها، وراحلها وقعد معاها فترة طويلة جدا، وقالها ان شاء لله تخفي ونتجوز وقالتله أنا عايزة اجوزك واطمن عليك، فقالها سيبيها على الله واتوفت بعدها.

عبد الحليم حافظ وسعاد حسني

وأضاف: بعدها حب الفنانة سعاد حسني ومحصلش جواز بينهم، وكل الكلام اللي طلع انه متجوز منها وطلعوا شهادات عقد زواج ليهم، ودي حاجات غير مظبوطة ومش صحيحة، وهما حبوا بعض جدا، ولكن محصلش جواز بينهم وعمل تجربة فنية واحدة فقط اللي جمعهم ببعض وهو البنات والصيف.