نجل محمد ثروت يوجه رسالة مؤثرة لوالده في عيد ميلاده

وجه المخرج أحمد ثروت نجل الفنان محمد ثروت رسالة مؤثرة لوالده في عيد ميلاده الذي يوافق اليوم الجمعة 1 سبتمبر الجاري.

ونشر أحمد ثروت، صورة تجمعه مع والده عبر حسابه الشخصي على موقع التواصل الإجتماعي إنستجرام، وعلق قائلا: أول عيد ميلاد ليك ماكونش جنبك يا استاذ بس إن شاء الله الصعب عدى وفرج ربنا قريب ونرجع نتجمع كلنا.

أحمد ثروت ووالده محمد ثروت

وتابع أحمد ثروت: كل سنة وأنت عظيم وأحلى وأجدع وأطيب أب وصاحب وأخ كبير ربنا يخليك لينا ويكرمك علي كل المجهود اللي بتعمله معانا مع ان جيه دورنا اننا احنا اللي نخدمك وكل ما أكبر بعرف قد ايه انت عظيم في قيمك وأصولك

اللي علمتهالنا وربيتنا عليها أنا وداليا.

وأضاف: في سيرتك الطيبة اللي بتشرف وتفتح ألف باب وقلبك الطيب ولو في سبب اننا نجحنا أو تميزنا او حد بيحبنا او بيحترمنا في ده عشان انت أبونا، كل سنة وأنت طيب يا عظيم محمد ثروت.

أحمد ثروت نجل محمد ثروت

كان قد كشف المخرج أحمد ثروت نجل المطرب محمد ثروت عن أحدث ظهور له داخل عمله بعد عودته من رحلة علاج بألمانيا.

وقال المطرب أحمد ثروت في أحدث ظهور له عبر حسابه الشخصي على موقع التواصل الاجتماعي انستجرام وعلق قائلًا: الحمد لله من داخل مكتبي لفترة محدودة.. بعد 3 شهور.. المكان ده بنسبالي 10 سنين من حياتي، شغل، تعب، نجاح، إدارة أزمات وأحلام اتحولت لمشاريع ومعافرة مستمرة لتقديم كل ما هو جديد.

وتابع أحمد ثروت: اتعرفت فيه على ناس تحولوا من زملاء في الشغل لأخواتي اللي مش بشبع منهم والحمد لله بنشتغل مع بعض ونخرج ونتفسح ونسافر مع بعض.. ولما رجعت الشركة مش عارف أوصف أنا فخور بيكم قد إيه و مهما أقول مش هيوفي حقكم إن في ظل ظروف الاختبار اللي أنا فيه كنتوا السند اللي حافظ على حلمي إنه يستمر ويفضل يكبر بفضل ربنا علينا ومجهودكم والحقيقي.

وأضاف نجل محمد ثروت: عرفت إن الشركة فعلاً مش محتاجاني طول ما فيها أبطال ولاد أصول زيكم وفعلاً الاختبارات ربنا بيحطنا فيها بتكشفلنا المزيفين واللي بياخدوك مرحلة وبرضو بتبين معادن الناس الحلوة تااب ربنا بيبعتهم لينا في صورة رزق اللي بتقدر تسند عليهم طول العمر.