نجوى إبراهيم: «الطلاق بدأ ينتشر وبقى موضة بسبب المصيف»
![صور](https://i0.wp.com/cdn.elbaladtv.net/wp-content/uploads/2024/07/نجوى-إبراهيم.jpg?resize=250,150&ssl=1)
تحدثت الإعلامية نجوى إبراهيم عن نسب الطلاق المنتشرة، بسبب الضغوط وتوفير الأموال اللازمة للاستمتاع بالمصيف.
وقالت نجوى إبراهيم عبر تصريحات إذاعية: «المصيف زمان كان يعني الإجازة، والعيلة كلها تطلع مع بعض، وحاليًا في حاجة مهمه جدًا مع بعض الناس تحديدًا مصر».
تصريحات نجوى إبراهيم
وأضافت: «الطلاق بدأ ينتشر وبقى موضة مش بس البوركيني والمايوهات هي اللي موضة، وده بسبب الزوج والزوجة بيروحوا المصيف عليهم ضغوط منفعلين مستلفين وداخلين جمعية عشان رحلتهم».واستكملت نجوى إبراهيم: «بيكونوا قاعدين لبعض على الواحدة، على أما يروحوا البيت من الضغوط الكثير بيتلككوا لبعض ويطلقوا، دول لازم يروحوا لدكتور نفسي».
نجوى إبراهيم
حديث نجوى إبراهيم عن الطلاق
وقالت أيضًا: «في المصيف الناس بنقعد نعلى على بعض، مثلا لما بيقعدوا مع أصدقائهم أنا بشرب مياه بـ 100 وآخر يقول بشربها بـ 300، وأيضًا مقارنات السيارات بين الأصدقاء».واختتمت نجوى إبراهيم: «المصيف بقى عبء وليس درجة الحرارة، ولكن في درجة المنافسة الشرسة، ننافس بعض على إيه، استمتع برزقك اللى ربنا مديهالك بلاش تأفور».
نجوى إبراهيم