نجوى إبراهيم تعلن تعافيها من السرطان

أعلنت الإعلامية نجوى إبراهيم الشهيرة، شفاءها من مرض السرطان، وذلك بعد أن كشفت مرضها منذ شهور وقلق عليها جمهورها.

شفاء نجوى إبراهيم

وقالت نجوى إبراهيم، في تصريحات تلفزيونية: 'فرحانة ومبسوطة الحمدلله بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير  منكم اعتبروني من النهارده لسة وجه جديد معاكم'.

وأضافت نجوى إبراهيم: 'أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد'.

نجوى إبراهيم

إصابة الإعلامية نجوى إبراهيم

وكانت الإعلامية نجوى إبراهيم علقت على إعلانها الإصابة بمرض السرطان، قائلة: «الأسبوع اللي فات حسيت إني غلطت، أنا مش من النوع الشكّاي».

وتابعت الإعلامية نجوى إبراهيم في تصريحات إذاعية لها: «اللي قلته مش شكوى لكن مشاركة معاكم ولما روحت قعدت أبكي، لقيت ناس مليانة حب، من كتر الدعوات اللي جت لي».

واستكملت: «لكن جلد الذات عندي قلت ليه أنكد عليكم وكل واحد فيه اللي مكفيه.. وليه أقول كده والموضوع ده بقاله شهرين تلاتة وبجري فيه مع ولادي لكن ما يبانش».

وأضافت نجوى إبراهيم تعليقها عن الإعلان بشأن مرضها: «لكن زي ما زعلت، فرحت إني فضفضت لأن أحلى حاجة الواحد يفضفض مع القريب منه واللي بيحبه».

نجوى إبراهيم

تصريحات الإعلامية نجوى إبراهيم

واختتمت: «فممكن تسامحوني من غير ما يكون عندكم ذرة شك في احترامي ليكم، وأنا مقدرة كل الحب اللي قلتوهولي، وربنا يسمع دعواتكم، لكن أول ما أنا أتطمن هطمنكم، وما تشيلوش همي خالص، لكن ابعتولي همومكم وخليني أنا الكبيرة اللي أستحمل».