نجوى فؤاد: اتجوزت خمس مرات بس وواحدة عرفي

كشفت النجمة نجوى فؤاد عن عدد الزيجات التي تزوجتهم على مدار عمرها، مشيرة إلى أنها لم تتزوج 15 مرة مثلما كتبت بعض الصفحات على السوشيال ميديا.

زيجات نجوى فؤاد

قالت نجوى فؤاد في تصريحات تلفزيونية: 'تزوجت خمس مرات فقط ومرة عرفي، يبقوا 6، وعماد عبد الحليم ماتجوزتوش والله، وأشرف لي إني أقول أتجوزته، كان يصغرني بكثير وعايش حياته، صغير، كلها شائعات، إن كان Google يكتب أعمارنا غلط'.

واستكملت نجوى فؤاد حديثها، قائلة: 'أحمد رمزي اتكتب كتابي عليه 17 يوم، كان زعلان مع مراته، وأنا مطلقة من أحمد فؤاد حسن من 3 شهور، فقال لي تتزوجيني قولت له أتجوزك، وكنا بنعمل فيلم مع بعض، بس كان عندي حفلة في أمريكا لافتتاح مطار، فروحت أمريكا ورجعت لقيته اتصالح مع مراته'.

تصريحات نجوى فؤاد

وتابعت: 'هو عنده بنت اسمها باكينام بيحبها حب رهيب، ربنا فوق وباكينام تحت وكان وقتها سنها 11 سنة، قال لي أنا رجعت لمراتي عشان باكينام، وهبقى أوضب حياتي'.

وأضافت: 'رفضت وكنت كمان مشغولة وعندي حياة وعايزة اشوف مستقبلي، واتطلقنا وفي نفس اليوم تعشيت معه ومع مراته وتقبلنا الأمر، كنت معجبة برمزي منذ شاهدته في الأفلام من صغري وأبهرني، أما رشدي أباظة فلا، ده إحساسي له مش عنده، ومرة بقول له مش عايز تتجوزني يا رشدي، قالي إنت اسلك بيكي سناني، أنا محبش الست المفعوصة كدة'.

واختتمت نجوى فؤاد كلامها، وقالت: 'رشدي كان أخ، وكنت أنا الزوجة السينمائية لفريد شوقي في كل أفلامه الأخيرة، وكانت زوجته سهير كانت تتصل بي وتقول لي خدي فيري عايزك ما انتِ مراته السينمائية'.