نشوى مصطفى : «الرجولة والجدعنة بقت صفات شبه مش موجودة واللي جاي مخيف ومرعب»

خرجت الفنانة نشوى مصطفى عن صمتها بعدما تعرضت في الفترة الأخيرة ابنتها للتحرش .

وكتبت نشوى مصطفي عبر حسابها الشخصي «فيس بوك»، «اللي جاي صعب لو ماابتديناش من دلوقتى السلوك الفردى الهمجى بالوقت حيتحول لظاهرة وسلوك عام - القبح حينتشر أكتر وأكتر والبلطجة حتزيد وكل ماهو لا اخلاقى حيعم».

وأضافت، «المجتمع ملامحه بتتشوه، دى مش ملامحنا، سمات شخصيتنا بتضيع، النخوة والشهامة والرجولة والجدعنة والحياء والاحترام بقت صفات شبه مش موجودة، اللى جاي مخيف ومرعب، وحيطول الكل » .

وتابعت، «محتاجين اصلاح مجتمعى وده لازم كلنا نساعد بعض فيه، نكون تيار جماعي، البيت والاعلام والفن والدين كله يشتغل مع بعضه علشان ننقذ السفينة قبل ماتغرق بينا، انشروا الحب فالقبح ينتشر والفزع قادم للجميع لو ماابتديناش، اللهم الغوث والمدد، اللهم انظر الينا بوجهك الكريم نظرة تنير القلوب وتزيل مافى الارواح من رهق ».

وقد تنازلت نشوى مصطفى عن القضية التي رفعتها ضد المتحرشين بابنتها، بعدما تم القبض عليهم.

نشوى مصطفى تعلن تنازلها عن قضية المتحرشين ضد ابنتها

نشوى مصطفى بعد التحرش بابنتها: «خدنا إجراءات ضدهم وربنا يحافظ على ولادكم»