نشوى مصطفى توجه نصيحة لأهالي طلاب الثانوية العامة: بتتعبوهم نفسيا

وجهت الفنانة نشوى مصطفى على توجيه رسالة لأهالي طلاب الثانوية العامة، بعد ظهور النتيجة قبل أيام.

قالت نشوى مصطفى عبر تصريحات تلفزيونية في رسالتها لأهالي الطلاب: «كتر خيركم لتعبكم بس بالراحة شوية على نفسكم وولادكم لأن الثانوية العامة مش نهاية الدنيا».

رسالة نشوى مصطفى لأهالي طلاب الثانوية العامة

وأضافت: «ومش مجموع الثانوية أساس النجاح في الدنيا والأمور كلها بقدر الله.. وربنا ممكن يقدر الأفضل فبراحة على ولادنا لأني بزعل لما ألاقي أولاد منهارين أو أهاليهم عاملين لهم رعب».

واستكملت الفنانة نشوى مصطفى قائلة: «أنتم كده بتتعبوهم نفسيًا ولو أي حد حصل له حاجة هنقعد نعيط جنبه والأساس في الحياة تربي ابنك على أنه لو حصل له ظرف في حياته يقف ويقوم تاني ويشد حيله لأنه هياخد درس ويتعلم، تعبكم كأهالي في ميزان حسانتكم لكن لازم نربي ولادنا أنهم يقعوا ويقوموا أقوى والثانوية العامة مش نهاية المطاف والمشوار كبير ومحتاج مجهود كبير».

نشوى مصطفى

تصريحات نشوى مصطفى

واختتمت: «أنا ابني 30 سنة معظم صحابه حولوا مسارهم لأن معظمهم كانوا خريجين هندسة، وكل ما أقابل حد أقول له عامل إيه في شغلك يقول لا يا طنط أنا بقيت اشتغل كذا.. فكلهم دخلوا هندسة علشان المجموع أو علشان يرضوا بابا وماما وأنا جبت 73% ومكانتش بذاكر أوي وكنت علمي علوم وأبويا وأمي كانوا عاوزين يدخلوني طب ولكن دخلت تجارة وما اشتغلتش الأربع سنين، وبعتبرهم عطلوا مسيرتي لأن مكانش هو ده اللي عاوزة أدخله».

نشوى مصطفى