نشوى مصطفى عن احتفالية نقل المومياوات: «الأولى نتخانق أن الموكب يكون فيه نجوم عالميين»

تحدثت الفنانة نشوى مصطفى عن احتفالية نقل المومياوات، والجدل المثار بشأن مشاركة الفنانة هند صبري باعتبارها تونسية .

وكتبت نشوى عبر حسابها الشخصي «فيس بوك»، « كلمة أخيرة فى احتفالية نقل الممياوات، خلونا نتفق إن أبطال الحدث والنجوم العالميين هما الاتنين وعشرين موميا، اللي اكيد شهرتهم (العالمية) أقوى بكتير من شهرة أي حد تانى، يعنى هما أصحاب الفرح».

وأضافت، «علشان كده كنت شايفة الخناقات اللي حصلت على السوشيال ميديا الفترة الاخيرة مش فى محلها أوى، كان الأولى نتخانق ونطالب أن الموكب يكون فيه مثلاً نجوم عالميين بحجم محمد صلاح، نور الشربيني، خالد النبوى، رامى مالك، مينا مسعود».

وتابعت، «أتمنى أن الشركة المنظمة تكون افتكرت تقدم الدعوة للدكتور مجدى يعقوب، والمهندس هانى عازر، وكل النجوم المصريين العالميين فى مجالات مختلفة، وباذن الله حيكون حدث عظيم مبهج يساعد مصر سياحياً وبالتالى اقتصادياً بشكل كبير .. ويارب ندعى لجدودنا الفراعنة اللي لحد دلوقتى متمرمغين فى خيرهم ونحاول نشتغل ونشتغل ونشتغل علشان ولادنا يفتخروا بينا او لو مش حابين نشتغل وفرحانين بالرغى والصريخ على السوشيال ميديا، نسيب الناس اللي بتشتغل تشتغل فى صمت ومانعطلهمش».

نشوى مصطفى تدافع عن هند صبرى: «زوجها وبناتها مصريين ومعاها الجنسية»

نشوى مصطفى بعد وفاة سوسن ربيع: «مبقتش مستوعبة الموت اللى محاوطنا»