نور النبوي: لم انزعج من زواج والدي الثاني وكنت متمرد في طفولتي

تحدث الفنان نور النبوي عن زواج والده الفنان خالد النبوي للمرة الثانية، وتأثير ذلك عليه.

قال نور النبوي عبر تصريحات تلفزيونية: «أما أبويا اتجوز بعدما طلق أمي متضايقتش عشان مكنتش فاهم، ومرات أبويا كانت بتحبنا أوي».

أسرار نور النبوي ووالده

وتابع: «أنا اتضايقت لأن أبويا مش معايا في البيت كل يوم، وعلاقتي أنا وهو اتعملت أما حبيت الشغلانة بتاعته، ولو أبويا مكانش معروف مكنتش هبقى ناجح في التمثيل».

وفيما يخص علاقاته العاطفية، علق نور النبوي قائلًا: «معرفش حبيت كام مرة، حسيت أحاسيس حلوة لكن مش عارف أنا حبيت ولا لا، وأنا مؤمن أن الحب احترام والاحترام أهم من الرومانسية وبخاف من الجواز عشان بخاف من الملل».

نور النبوي فيلم الحريفة

طفولة نور النبوي

وقال عن طفولته: «وأنا صغير كنت متمرد، فعلاقتي أنا وأمي مكانتش أحسن حاجة، وأبويا كان متفهم جدًا، ومكنش بيتعامل معايا كأب، كان بيتعامل معايا كصاحب وهو بيسمع كلامي زي ما أنا بسمع كلامه وبيحترم رأيي بس مش لازم يعمل بيه».

واختتم نور النبوي: «أبويا وأمي انفصلوا وكانت أمي أب وأم في البيت، وكانت شديدة وأما كبرت حصلي نوع من أنواع الوعي هي تعبت قد إيه فبقينا صحاب جدًا، وأنا مش بشوفهم الاتنين كتير لأني بشتغل، وأول ما بلاقي فرصة لازم أروحلها اتكلم معاها، وندمت لأني مكنتش مدرك هي كانت بتتعب إزاي».