نور النبوي يكشف أول لحظة تمرد عاشها: «الكلمة وجعتني وحسيت الحياة خلصت»

تحدث الفنان نور النبوي عن أول لحظة تمرد عاشها في حياته، كيف كان تصرف والده الفنان خالد النبوي.

قال نور النبوي عبر تصريحات تلفزيونية: «أول لحظة تمرد عندي أما اتقالت لي جملة أنت فاشل من حد أنا بحبه وشايفه مثل أعلى، وقال لي كدة عشان حاجة في الدراسة».

أول لحظة تمرد في حياة نور النبوي

وتابع: «رغم إنها اتقالت لي مرة واحدة لكنها وجعتني أوي وحسيت ساعتها أن الحياة خلصت، واتكلمت مع أبويا وقولتله أنا مش هكمل في المدرسة».

واختتم نور النبوي حديثه عن أول لحظة تمرد عاشها: «أبويا خالد النبوي كان عظيم أنه استوعب اللحظة دي».

نور النبوي فيلم الحريفة

علاقة نور النبوي بوالدته

وقال أيضًا: «وأنا صغير تمردت على أمي كنت أروح أتكلم مع أبويا ألاقي واحد متفهم وفنان وبيسمع جدًا، وبيتعامل معايا كصاحب، لكن أمي كانت أم وأب في البيت بعد ما انفصلوا».

واستكمل نور النبوي: «وطبيعي أشوف عندها قيود وقوانين ولازم أرجع البيت بدري، ومن وأنا في الجامعة أبويا عمل حاجة عبقرية، كان طول الوقت يحسسني إنه بيتعلم مني، وبيسمع كلامي زي ما بسمع كلامه، مش لازم يعمل برأيي لكن يسمعه ويحترم رأيي، راجل ما شاء الله عليه أنا محظوظ».

نور النبوي بصحبة والده الفنان خالد النبوي