هاني الناظر يروي موقفا غريبا مع متصل بعد منتصف الليل: بيقولي مراتي مش عارفة تنام

روى الدكتور هاني الناظر، استشاري الأمراض الجلدية قصة تعرضه لموقف عبر اتصال هتافي في تمام الساعة الثانية ونصف صباحا من متصل يسأله سؤلا غريبا أثار دهشته.

وكتب هاني الناظر يقول: حكايات الإجازات.. حكاية النهاردة مختلفة تماما وزوجتي شاهدة عليها!، الموبايل رن الساعة اثنين ونصف بالليل!، طبعا أنا اتخضيت أكيد في شيء خطير!

• ألو دكتور هاني؟
• أيوه يا أفندم.
• معلش آسف يا دكتور أنا عارف إن حضرتك إجازة والوقت متأخر، أنا فلان الفلاني!
• خير سيادتك في مشكلة كبيرة؟
• فعلا يا دكتور وهي عند زوجتي مش عندي!
• ربنا يستر أيه في مياه مغلية وقعت عليها؟
• لا
• أمال إيه نار ولا حاجة؟
• لا
• طيب حاجة عضتها أو قرصتها؟
• برضه لا يا دكتور
• أمال إيه خير؟
• الحقيقة هي مش عارفة تنام وصممت إني أكلمك علشان بتشتكي بقالها مدة من أن أظافرها مش بتطول وعاوزة حل للمشكلة!

وأضاف هاني الناظر عبر منشور له على صفحته الرسمية بموقع فيسبوك: «أنا سكت ومعرفتش أرد، وقفلت السكة والموبايل ومن ساعتها مش عارف وبسأل نفسي أنا كنت المفروض أرد وأقول إيه!».

روشتة هاني الناظر لعلاج حروق الجلد والجروح لمرتادي الشواطئ