هبة نور: بعتذر عن أعمال أكتر ما بشتغل.. وناقصني الأمان

كشفت الفنانة السورية هبة نور عن سبب ابتعادها عن الساحة الفنية خلال السنوات الماضية، موضحة أنها باتت تختار أعمالها بعناية شديدة وترفض الكثير من الأدوار التي لا تشعر بالاقتناع بها.

وأكدت: "أنا مُقلة لأني بنتقي شغلي، وبعتذر أكتر ما بشتغل، لأني بحب مهنتي ومينفعش أعمل دور مش مؤمنة بيه".

وفي تصريحات تلفزيونية، تحدثت هبة نور عن تأثير الأزمات على شخصيتها قائلة: "الواحد بعد كل أزمة بيحس إنه لازم يقسي قلبه، لكن الحقيقة إن اللي محتاج يعمله هو إنه يقوى ويهدي ويحط حدود لنفسه، أنا مؤمنة دايمًا بالقدر وبقول الحمد لله في كل محنة".

وأضافت: "أنا شخص قنوع ومؤمن، وبعد كل مشكلة بقعد مع نفسي وبقول يا رب لو ده ابتلاء أنا راضية، بس أكتر حاجة ناقصاني دلوقتي هي الإحساس بالأمان، وبطلب من ربنا يديني النعمة دي، سواء من خلال صديق أو زوج أو عيلة أو حتى من الشغل".

كما كشفت هبة عن تجربة زواجها في سن مبكرة، قائلة: "كنت ملفتة وبيتعرض عليا عروض جواز كتير، واتجوزت بدري، وكان جوازي استمر 3 أو 4 سنين، وبعدها دخلت التمثيل، وكانت عندي تجارب كتير مش ناجحة".