هجوم على عمر كمال بعد اتجاهه للتمثيل .. وماندو العدل يرد «كنت فاهم أنه مقيد في نقابة الموسيقيين»

واجه مطرب المهرجانات عمر كمال، أزمة جديدة، بعد الإعلان عن اسمه بالمشاركة في مسلسل «بين السما والأرض»،مع المخرج ماندو العدل، باعتباره ليس نقابياً .

وعلق ماندو العدل على الأمر قائلاً، «تواصل معايا دكتور أشرف زكي وبيقولي إن عمر كمال عنده مشكلة إنه مش نقابي وأنا كنت فاهم انه مقيد في نقابة الموسيقيين.. هشوف ممكن أعمل إيه.. لكن الغريب هو كم الزعل من الخبر إن عمر كمال يمثل»

وأضاف: «علي فكرة أحمد عدوية وحسن الأسمر و حكيم مثلوا.. وشعبان عبد الرحيم الله يرحمه مثل مع أستاذ داوود عبد السيد و مكانش فيه مشكلة يعني .. أما الناس اللي بتقوللي إن أنا منفذتش وعدي وقابلت الناس في الـcasting.. إحنا جالنا أكتر من ٧ آلاف شخص عايز يمثل.. سامع الرقم .. ٧ آلاف.. وأنا مش مسؤول إن فيه ناس اتصلت ومكتب الـcasting مردش عليهم».

وتابع حديثه، «ده غير إن معايا أكتر من خمس ممثلين خريجين معهد فنون مسرحية وووجوه جديدة مش خريجين المعهد وبيمثلوا لأول مرة.. أنا طول عمري قد كلمتي واللي يعرفني يعرف كدة كويس.. مش مطلوب مني أقدم كشف باللي اختارتهم من الـcasting عشان سيادتك متتهمنيش إني بعمل show».

يذكر أن مسلسل «بين السما والأرض» مأخوذ من رواية للأديب نجيب محفوظ، ويشارك في بطولته عدد من الفنانين، منهم هاني سلامة، ودرة، وأحمد بدير، ومحمد ثروت، ومحمود الليثي، ونجلاء بدر، وعدد آخر من الفنانين، وهو من سيناريو وحوار إسلام حافظ وإخراج محمد العدل.

ماندو العدل يعلن انضمام المطرب الشعبي عمر كمال إلى مسلسله «بين السما والأرض»

عمر كمال يطرح أغنيته الجديدة «باي باى» مع أحمد موزة على اليوتيوب .. فيديو