هدى هاني تكشف حقيقة احتكار محمد صبحي لتلاميذه

كشفت الفنانة هدى هاني حقيقة احتكار الفنان محمد صبحي لتلاميذه في المهنة، وخاصةً نجوم مسلسل يوميات ونيس، قائلة: «أنا مش هدافع عن أستاذي لأن هو اللي علمني لكن أكبر دليل إني عملت أكتر من 20 مسلسل».

تصريحات هدى هاني

وتابعت الفنانة هدى هاني في تصريحات تلفزيونية لها: «وكان ليا كذا محطه نجحت فيهم منهم العطار والسبع بنات، العائلة والناس مع المخرج محمد فاضل، العار مؤخرًا، ومش هتكلم عن عبير صلاح الدين واللي قالته لكن في نجوم كتير وسوبر ستارز كان محمد صبحي اللي حاطط حجر أساسهم واكتشفهم».

وأضافت: «منهم منى زكي، هاني رمزي، مصطفى شعبان أسماء كبيرة وكتيرة، والمشكلة أننا لما بنرتبط بأستاذ صبحي بيبقي له طريقة معينة هو له طريقته وبيئته، بيبقي صعب لما تخرجي تتأقلمي مع شكل آخر إحنا مش بنبقي عارفين نتأقلم لكن هو عمره ما منع بالعكس أنا لما بيشوفلي عمل بيكلمني، وبيقولي برافو عليكي إنما عمره ما قالي إيه اللي انتي عاملاه ده؟».

هدى هاني

هدى هاني ومحمد صبحي

وقالت هدى هاني أيضًا عن الفنان محمد صبحي: «هو مُطلع كويس وبيشوف كل واحد فينا بيعمل إيه، لكن بيبقي غيور علينا وزي الأستاذ مع تلميذه مش عايزه يضل الطريق.

وتحدثت أيضًا عن علاقتها الوطيدة بالفنانة الراحلة سعاد نصر، قائلة: «ليا ذكريات معاها من أيام المسرح كنا ورا الكواليس بنقرأ القرآن قبل ما ندخل، كانت أمي في الهمجي وأمي في المسلسل، كانت أم فعلا بتخاف علينا متدخلة في خصوصيتنا ومذاكرتنا وإدتنا نصائح كتير».

هدى هاني وسعاد نصر

وقالت الفنانة هدى هاني أيضًا: «وتوصيات كتير لسه محافظة عليها لغاية دلوقتي وهي اللي علمتني الصلاة، ولما اتجوزت جاتلي البيت وكانت أكتر واحدة لها صلة بيا بحكم إن عمتي الفنانة هناء الشوربجي، واتهزينا جدًا بموتها والمسلسل اتأثر كتير بموتها».

هدى هاني

هدى هاني