هشام الجخ يكشف كواليس أغنية "أنا قادر" وأحمد سعد يروي بداياته الفنية

كشف الشاعر هشام الجخ تفاصيل تعاونه مع الفنان أحمد سعد في عدة أغاني، أبرزها أغنية "أنا قادر" من مسلسل "جعفر العمدة" بطولة محمد رمضان.

وقال الجخ في تصريحات تلفزيونية: "أنا اللي كلمت أحمد سعد في أغنية أنا قادر علشان يغنيها، ولكن هو اللي كلمني في مسلسل توبة، وسهر على أغنية أنا قادر في يومها وطلع التحفة دي".

ورد أحمد سعد على حديث هشام الجخ قائلاً: "أنا مكنتش واثق منها الكلام كان جامد أوي، وقلت أسمع هشام الجخ لأنه رأيه صارم، وأول ما سمع اللحن إداني قصيدة هقعد ألحن فيها 3 سنين، عمري ما شفت حد عنده الغزارة دي، إداني كلام وقالي اختار براحتك".

وكشف أحمد سعد عن موقف صعب واجهه في بداياته الفنية، حين قرر في سن الرابعة عشرة الهروب من المنزل بسبب اعتراض أسرته على دخوله المجال الفني، موضحًا: "كنت بحب الغناء من وأنا صغير، ولما رفضوا، قررت أهرب وأغني في الأفراح، وكنت دايما بخاف أتعب أو يحصل لي حاجة محدش يعرف عنها".