نشوى مصطفى تروي موقفا مؤثرا لـ هشام سليم مع فنانة كبيرة: قالها نفسك في إيه

روت الفنانة نشوى مصطفى، موقفا مؤثرا للفنان الراحل هشام سليم مع الفنانة الراحلة ثريا إبراهيم.

هشام سليم

تفاصيل موقف هشام سليم مع ثريا إبراهيم

كشفت نشوى مصطفى عبر صفحتها على موقع فيسبوك، «افتكرت حاجة عن هشام سليم يمكن مش كتير يعرفوها، في يوم راجعة من التصوير وكان فيها أستاذة ممثلة كبيرة الله يرحمها اسمها ثريا ابراهيم- قالت لي نشوى معنديش عربية توصلينى في طريقك لأقرب مكان أنزل أخد تاكسي، قلت لها تاكسي إزاي حاوصل حضرتك لباب البيت».

وأضافت: «وإحنا ماشيين قالت لي عارفة الشقة اللي حتوصليني ليها دي مين جابهالي، قلت لها مين؟؟ قالت لي شيريهان، وحكت لي أنها كانت بتشتغل معاها مسرحية شارع محمد علي وكانت بتيجي كل يوم من طنطا للقاهرة وترجع تاني لأن بيتها كان هناك ولما شريهان عرفت قالت لها شوفي الشقة اللي تحبيها وأنا حاشتريهالك، ولما اشترتها كانت فرحانة أوى».

هشام سليم

هشام سليم يهدي رحلة حج للفنانة ثريا إبراهيم

تابعت: «لما هشام سليم عرف بارك لها وقال لها فرشتيها ولا لسه قالت له فرشتها قال لها كان نفسي أفرشهالك قالت له وهي بتهزر طيب ما تعمل حاجة تانية قال لها تحت أمرك، قالت له نفسي أحج، تاني يوم لقت شركة سياحة بتكلمها وبلغتها أن هشام دفع كامل التكلفة وكانت خمسين ألف جنيه وكمان وهي رايحة عطاها مصروف الرحلة وقال لها ادعى لي، بس كده، ألف رحمة ونور».

هشام سليم وثريا إبراهيم

آخر ظهور للراحل هشام سليم وسط البحر.. صور

نجوم الفن يودعون جثمان هشام سليم إلى مثواه الأخير