هشام ماجد يشكر إسلام مبارك: اتبهدلت معانا وأكلت لانشون وهي مش بتحبه

وجه الفنان هشام ماجد رسالة شكر للفنانة إسلام مبارك، التي خطفت الأنظار في موسم رمضان الماضي من خلال دورها في مسلسل "أشغال شقة جدًا"، مشيرًا إلى مدى التحديات التي واجهتها خلال التصوير.

وقال هشام ماجد، في تصريحات تلفزيونية: "عايز أشكرها لأنها من أكتر الناس اللي اتبهدلت معانا، كانت بتقعد بالساعات، وتضطر تاكل أكتر من مرة علشان نعيد المشاهد، وكمان عملت أكشن كتير جدًا".

كما كشف كواليس أحد المشاهد الكوميدية البارزة في المسلسل، وقال: "المشهد اللي شالتني فيه على الكرسي كان فيه طبعًا أسلاك وجرافيكس، وإحنا كبرناها وطوّلناها علشان يبان المشهد بالشكل اللي الجمهور شافه".

ومن جانبه، علّق المخرج خالد دياب على مجهود الفنانة إسلام مبارك، قائلاً: "أكلت أكل كتير مش بتحبه، اكتشفنا بعدين إنها بتكره اللانشون، وإحنا كنا جايبين لها حتة لانشون رهيبة".

يُذكر أن مسلسل "أشغال شقة جدًا" ضم نخبة من النجوم إلى جانب هشام ماجد، منهم أسماء جلال، شيرين، سلوى محمد علي، مصطفى غريب، وهو من تأليف خالد وشيرين دياب، وإخراج خالد دياب.