هل ضحت لبلبة بحياتها من أجل الفن؟.. الفنانة تبكي وتكشف أسرارها

كشفت الفنانة لبلبة عن أزمات تعرضت لها خلال مسيرتها الفنية، بجانب أسرار عن حياتها الشخصية وعلاقتها بالزعيم عادل إمام.

قالت لبلبة في تصريحات تلفزيونية لها: «اشتغلت قبل كدة مع مخرجة، دون ذكر أسماء وشالتلي 14 مشهد.. وكل الحب فيه تضحية، مفيش حب بدون تضحية، وأنا قررت أدّي حياتي للفن»، وظهرت تبكي على الهواء.

لبلبة وعادل إمام

كما أعربت عن تقديرها الشديد للزعيم عادل إمام، وأكدت أنها بكت وقت تكريمه في حفل joy awards لعام 2024، معلقة: «بكيت وقت تكريم عادل إمام، لأنهم جابوا مقتطفات من أعماله، والعينين دي عينين الأستاذ عادل، تضحك وتبكي، يديكي البؤس والغلبان والفرحان».

وأضافت: «هو فعلًا زعيم الفن وحبيبنا، عادل إمام ياخد قلبي، ولما أشوفه أبقى حاسه إني شايفة الفن كله.. أنا وعادل إمام عشرة طويلة وعملنا مسلسلين صاحب السعادة ومأمون وشركاه، أنا بعتبر كل مسلسل فيهم 5 أفلام، بنشتغل 7 شهور، وكل يوم مع بعض وبناكل ونفكر ونمثل مع بعض، أنا عاشرت سينمائيين والأستاذ عادل إمام أكتر ما عشت مع أهلي في بيتي».

لبلبة

تصريحات لبلبة

واختتمت الفنانة لبلبة: «العشرة بيني وبين عادل كبيرة وبحس بيه وبعينيه وإمتى هيقول إيه، لا يمكن أبوظ له إفيه، وهو عارف أنا بحبه قد إيه وبخاف عليه قد إيه، وبعرف هو زعلان ولا مبسوط من مشيته في الطرقة بتاع الاستديو».

لبلبة و عادل إمام

لبلبة