هنادي مهنا: وزني زاد في مصر بسبب الدلع والمسقعة والمحشي

كشفت الفنانة هنادي مهنا، عن سر رشاقتها وخسارتها لوزنها، موضحةً أنها كانت في إسبانيا خلال فترة الجامعة تتحرك بشكل كبير وكانت رشيقة.

وتابعت هنادي مهنا، في تصريحات تلفزيونية: «لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وما تتكلش».

وزن هنادي مهنا

وأضافت الفنانة هنادي مهنا،: «كنت بدرس في أسبانيا في مجال هندسة الصوت بمجال الموسيقى لأني كنت بحب المزيكا أوي وكان حلمي إني أغني قبل التمثيل واكتسبت ده من الجينات من والدي، ولما جيت مصر اشتغلت مدرسة ودرست كذا حاجة وكنت فاتحة شركة مع بابا وأنا بحب اشتغل من صغري حتى في الصيف من صغري ومش بحب أقعد في البيت».

خسارة هنادي مهنا وزنها

وأردفت الفنانة هنادي مهنى: «لما اشتغلت ممثلة مكنتش مستوعبة طبيعة الشغلانة وأن الشغل موسمي ممكن يبقى مكثف شهرين متتالين ثم شهرين آخرين قاعدين في البيت مش بنعمل حاجة ودي كانت حاجة بالنسبة لي فيها إحساس غريب وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل».

واختتمت هنادي مهنى حديثها قائلة،: «أنها تتبع نظام غذائي في الوقت الحالي، وتمارس الرياضة بشكل يومي لكي تحافظ على رشاقتها».

هنادي مهنا توجه رسالة لوالدها في عيد الأب: «أفضل أب على الإطلاق»

طلاق وإنفصال .. شائعات واجهت هنادي مهنا وأحمد خالد صالح