وئام مجدي تنعى جدتها بكلمات مؤثرة: «كنتي صاحبتي وسبب ضحكتي»

بكلمات مليئة بالحب والحنين والحزن، ودّعت الفنانة وئام مجدي جدتها الراحلة 'تيته نوال'، التي توفيت منذ أيام، برسالة مطوّلة عبر حسابها الرسمي على مواقع التواصل الاجتماعي.

وقد عبّرت وئام في رسالتها عن مدى ارتباطها العاطفي العميق بجدتها، التي لم تكن بالنسبة لها مجرد جدة، بل صديقة وشريكة لحظات الفرح والحزن، وسند حقيقي في أصعب الفترات.

ونشرت وئام مجدي مقطع فيديو جمعها بجدتها تيتة نوال، عبر فيس بوك، وكتبت قائلة:'قد إيه أنا ممتنة لتيته وأيامي معاها، مبسوطة إني كنت دايمًا بحب أسمعها وهي موجودة، وإن هي سبب إني أبقى أحسن، مكنتيش جدة، كنتي صاحبتي اللذّ والأحلى والأقرب، كنتي سبب إني أطلع من حتة ضلمة أوي وزعل، لضحك وهزار وحب، ناس محظوظة بيكي وبِلذاذتك وبحب الدنيا كلها ليكي'.

وأضافت وئام مجدي، قائلة: 'آه، أنا قلبي زعلان أوي، لكن إنتي مكنش ينفع تتعبي أكتر من كده، إنتي متستحقيش غير إن وشك ده يضحك، وده كان سبب الفيديوهات، أنا واحدة كان عندي اكتئاب من ظروف، وإنتي عندك اكتئاب إنك عيانة، وعيشنا سوا سنين حولناها لأيام ضحك وحلوة وحب الناس اللي كان ملوش آخر، بس آخر كام شهر نفسي أنساهم من حياتي، من العذاب اللي شوفتك فيه، والاستسلام إني أتفرج عليكي وإنتي بتمشي، ولا يا وئام، الموضوع مسألة وقت.. هي مش هتبقى كويسة'.

وتابعت وئام مجدي، رسالتها قائلة: 'شكرًا على الأيام الحلوة الكتير أوي، وعلى الضحك. كنت بقول امبارح وأنا جنبها: 'إنتي طول الوقت لآخر لحظة بتندهى وئام وئام، ولو فوق مقولتيش 'وئام وئام' برضو، علشان ربنا يبقى معايا بعدك.

هزعل أوي'.

واختتمت وئام مجدي، رسالتها قائلة: 'إنتي.. الناس زعلت عليكي كأنك من عليتهم. أنا من يومها لحد دلوقتي جالي أكتر من 60 ألف مسدچ، ناس بتعزيني فيكي، وناس بتقولي: (لا تيته لاااااا!)، إنتي مش محبوبة عادي.. ربنا يرحمك يا حلوة، وإنتي معايا، وهفضل أشوفك وأنزل كل حاجة حلوة بينا، علشان إنتي مش هتبقي وقت وعدى في حياتي.. إنتي مكملة معايا طول عمري، بس بقولك إيه: برضو مش هتجوز يا تيته، وزي ما كنتي بتقوليلي: (إنتي حبيبتي) لأ، ده إنتي اللي حبيبتي.. وحبيبة عمري كله.. بحبك'.

وحصدت رسالة وئام المؤثرة تفاعلًا واسعًا من الجمهور، حيث أبدى الآلاف تعاطفهم، مشيدين بعلاقتها الصادقة بجدتها وبكلماتها العفوية والإنسانية.