وائل علاء يكشف سبب اتجاهه لـ تيك توك: اقتربت من مليار مشاهدة.. فيديو

كشف الفنان وائل علاء سبب اتجاهه لعمل فيديوهات على تيك توك برفقة ابنته، مشيرًا إلى أن اختيار الممثلين حاليًا لبعض الأدوار يعتمد على عدد المتابعين لديهم عبر السوشيال ميديا.

وقال وائل علاء خلال استضافته في برنامج صباح البلد، الذي تقدمه الإعلامية نهال سمير على قناة صدى البلد: 'في ممثلين كتير شطار جدًا وقاعدين في بيوتهم وبقى في اختيارات مختلفة عشان اختيار الناس عشان تشتغل، وأنا واحد من الناس اللي بحب اختار حاجات كويسة لكن برضه مفيش حاجات مبتجيش فأنا مش هفضل مستني'.

وائل علاء يتحدث عن معايير اختيار الفنانين للأدوار

وتابع: 'المقياس بقى دلوقتي هو وائل عنده كام متابع، وفي ناس بقت تمثل عشان عنها فلورز، اه في منهم ناس موهوبة وفي ناس طلعت تريند لمجرد إنها عملت حاجات ملهاش لازمة'.

تصريحات وائل علاء

واستكمل وائل علاء حديثه، قائلًا: 'في منتجين بيشوفوا إن فلان عنده ملايين المتابعين بس مفيش موهبة فيجيبوه، وفلان تاني عنده 100 ألف بس موهوب فلأ منجبهوش، ونجيب اللي عنده متابعين كتير يتفرجوا عليا'.

وأضاف: 'بدأت ابص على التيك توك فلاقيت الموضوع لطيف، خصوصا اني على اليوتيوب قربت من مليار مشاهدة بعد ما ابني حصر عدد المشاهدات'.