والدة الطفل رشيد تعلن اكتمال جمع 35 مليون جنيه تبرعات لإنقاذه.. «هيبدأ العلاج»

أعلنت السيدة هدى بدر، والدة الطفل رشيد، الذي يعاني من مرض ضمور العضلات ويحتاح إلى حقنة تعد الأغلى في العالم؛ ويصل سعرها إلى 35 مليون جنيه عن تجيمع المبلغ المطوب بالكامل.

وقالت في منشور لها على موقع التواصل الاجتماعي، «الحمدلله، تم تجميع المبلغ بالكامل! وعدتونا ووفيتم... شكرا ليكم».

وأضافت «لما رشيد اتشخص بمرض الSMA وعرفنا ثمن الحقنة اللي محتاجها، سلمنا أمرنا لله ودعينا ربنا يقوينا على الاختبار دة.. متخيلناش ابداً اننا هنوصل للحظة دي وإن حكمة ربنا تكون إن رشيد يخلق الحالة دي من التكافل الإجتماعي والحب والخير والأهم ان الناس تتعرف عن المرض دة ويبقى في أمل لأطفالنا إنهم يتعالجوا بفضلكم».

وتابعت «شكرا لكل اللي دعم رشيد.. لان رشيد بسببكم هياخد الحقنة وان شاء الله أطفال كتير من بعده! دعواتكم نبدأ رحلة العلاج الأسبوع دة وتفضلوا معانا خطوة بخطوة لحد ما نتطمن عليه».

واردفت: «شكر خاص لEFG Hermes، المؤسسة الوحيدة اللي اتبرعت لرشيد وبقيمة ضخمة كمان (2,5 مليون جم). أنقذتونا على أخر لحظة وخلتونا متستناش وقت أطول».

واستطردت: «وأخيرا شكر واجب لكل موظفي وزارة التضامن الاجتماعي والبنك الأهلي المصري و ال CIB وفوري اللي حرصوا على ان التبرعات تتم بأسهل طريقة ممكنة وكانوا بيشتغلوا بكل حب وحماس لدعم رشيد.

وقالت: «حابين نستغل الفرصة دي ونوصي نفسنا أولا ونوصيكم، نبذل نفس المجهود وأكتر لليال وآسر. ثقتنا فيكم إننا نقدر في نفس الفترة، وأقل كمان، نجمع نفس المبلغ لكل واحد فيهم عشان ياخدوا الحقنة. ومن بعدها إن شاء الله باقي الأطفال مصطفى وهاندا وغيرهم».

البنك الأهلى المصري: 9,319,000 جم

ال سي آي بي: 19,500,000 جم

فوري: 6,650,000 جم

إجمالي التبرعات: 35,469,000 جم

وزيرة التضامن: نستهدف إلحاق 8 ملايين طفل بالحضانات.. وبرامج الدعم النقدي تغطي 3.8 مليون أسرة