والدة رنا تروي لحظات الرعب بعد حادث طريق الواحات: "لقيت بنتي بتصرخ في التليفون.. أنا بموت يا ماما"

في مشهد مؤلم ومؤثر، روت والدة 'رنا'، إحدى المصابات في حادث مطاردة طريق الواحات، اللحظات الأولى التي تلقت فيها نبأ الحادث، واصفة إياها بأنها كانت 'لحظات رعب وانهيار لا تنسى'.

وقالت والدة رنا خلال لقائها مع الإعلامية نهال طايل في برنامج 'تفاصيل' المذاع على قناة صدى البلد: 'جالي تليفون، لقيت رنا بتصرخ وبتقول لي: الحقيني يا ماما.. أنا بموت، فضلت تعيد نفس الجملة في 4 مكالمات كل دقيقة، كأنها مش فاكرة إنها كلمتني قبل كده، كنت حاسة إنها فاقدة الذاكرة'.

وأضافت: 'جريت زي المجنونة على طريق الواحات، ولما شوفت العربية، قلبي وقع.. قلت خلاص، رنا ماتت، منظر العربية كان بشع، الحديد قافل عليها، والناس قالوا لي: أحمدي ربنا، بنتك طلعت بمعجزة، طلعوها 20 راجل من جوه الحديد'.

واختتمت حديثها قائلة: 'كل ما افتكر اليوم ده، قلبي بيتقطع، لكن بحمد ربنا إنها لسه معايا وطلعت من الحادثة بعمر جديد'.