يسرا: أجري في فيلم الإرهاب والكباب كان 10 جنيه

تحدثت الفنانة يسرا خلال ندوة تكريمها بمهرجان الجونة السينمائي عن كواليس مشاركتها في فيلم "الإرهاب والكباب"، كاشفة عن تفاصيل استعارة فستانها من الفيلم لعرضه ضمن المعرض الخاص بها في المهرجان، بالإضافة إلى أول أجر تقاضته عن العمل.

وقالت يسرا: "أنا فتحت ستين شنطة علشان أطلع فستاني في فيلم الإرهاب والكباب، عشان يحطوه في المعرض بتاعي في مهرجان الجونة، ولما دخلت المعرض شوفت حياتي كلها من ساعة ما اتولدت، كنت فخورة جدًا إن فات 50 سنة وأنا محستش بيهم، حسيت إني استفدت من الرحلة بتاعتي وإننا عملنا أسطورة للناس اللي بعدينا".

وأضافت يسرا: "أنا ممتنة لكل الناس اللي أضافوا لحياتي من أول يوم مثلت فيه لحد دلوقتي، من غير حب الناس مفيش حاجة تكتمل، ومفيش حد ممكن يوصل لخمسين سنة شغل من غير دعم الجمهور وزمايله".

وعن كواليس مشاركتها في فيلم "الإرهاب والكباب"، كشفت يسرا تفاصيل غير معروفة قائلة: "الأستاذ وحيد حامد بعتلي الاسكريبت، ولقيت إن شخصيتي فيه فتاة ليل بمشهد واحد بس، وأول أجر ليا في الفيلم كان 10 جنيهات، وأنا اللي صممت فستاني الأحمر في يوم واحد، وبرغم إنه مشهد واحد قلت للأستاذ وحيد أنا جاهزة أمثل معاك، واديني 10 جنيهات أجر".