يسري نصر الله ينعي وحيد حامد : «صاحب موهبة مهولة .. مبهج وذكي ولامع»

نعى المخرج يسري نصر الله الكاتب وحيد حامد، الذى وافته المنية ليوم السبت، عن عُمر يناهز 77 عاما.

وكتب عبر حسابه الشخصي «فيس بوك»، «مافيش كلام يقدر يعبر عن إحساسي بخسارة وحيد حامد .. حزن؟ أكيد. بس هي حاجة بتتجاوز الإحساس بالحزن. زي فقدان بوصلة أو فقدان توازن.. واحد كان بيديني إحساس بالقوة لما يكتب فيلم أو مسلسل ويتعمل وألاقي فيه كل إللي بيوجعني ويوجع ناس كتيرة».

وأضاف، «ألاقي الموهبة المهولة إللي بيحكي بيها الحاجات دي ويبقى مبهج، وذكي، ولامع، ودمه خفيف. حاسس بالدنيا وحاسس بالناس .. واحد وفي لأصدقائه، ووفي لكل الناس إللي حبت أعماله ومواقفه. واحد دخل في وجدان الناس بموهبته وفنه».

وتابع، «غصب عن أي حد كان وحيد بيلاقي الطريقة إللي شغله وفنه يشوفوا النور. فنه وموهبته وكرمه عملوله أصحاب كتار جدا. وعملوله أعداء طبعا، كان بيعرف يسحقهم أو على الأقل يحيدهم بفروسيته. وحيد يمكن آخر واحد من الفنانين والمثقفين الكبار إللي موهبتهم وإحساسهم بالناس كانت أقوى من أي قمع».

وأنهي حديثه، «نوع من الفنانين إللي عاش زمن فيه الموهبة والفروسية يتعمل لهم ألف حساب. زمن كان لسة بيشوف وبيسمع.

مع السلامة ومعاك كل الحب يا وحيد .. يا أستاذ وحيد حامد» .

يذكر أن وحيد حامد توفى صباح اليوم عن عمر ناهز 77 عاماً بعد صراع مع المرض، وأقيمت صلاة الجنازة على الراحل في مسجد الشرطة في الشيخ زايد بعد صلاة الظهر”.

خيري بشارة ناعياً وحيد حامد: «أنقذني من ضائقتي المالية .. كان بنك مفتوح دوما»

نجوم الفن يودعون وحيد حامد في المشهد الأخير أبرزهم حلمي وعزت العلايلي