زوجة أحمد فتحي تكشف تفاصيل إصابتها وبناتها بـ«كورونا».. وتؤكد: ممكن أتبرع بالبلازما بتاعتي

كشفت نورا إسماعيل، زوجة أحمد فتحي لاعب الفريق الأول لكرة القدم بالنادي الأهلي، المنضم حديثًا لصفوف فريق بيراميدز، تفاصيل إصابتها وإبنتيها بفيروس كورونا المستجد -كوفيد 19-.

وكتبت نورا إسماعيل، عبر حسابها الشخصي على موقع التواصل الاجتماعي «فيسبوك»: “الحمد لله رب العالمين على نعمة الصحة بشكر كل الناس حبايبي اللي اطمنوا عليا بأي طريقة وأسفة جدًا إني ماكنتش ملاحقة على التليفون ولا الرسايل لأني كنت في ابتلاء شديد ربنا ما يكتبها علي حد”.

وأضافت: “القلق إنك مسئول عن كل اللي حواليك وبيتقالك انزل شوف مستشفى وأنا بنتي كانت تعبانة جدًا جدًا وماما وبابا كنت خايفة عليهم جدًا لأني كنت بشوفهم كل يوم تقريبا كان عندي إحساس مسيطر عليا إني هموت وإحساس بالذنب إني أكون عديت حد حواليا وما بين دكاترة عايزة تساعد ودكاترة مش عايزة تجازف وتشوفنا عشان خايفين وده حقهم طبعًا ومعامل تطلع نتايج كويسه ونتايج وحشه”.

وتابعت زوجة أحمد فتحي: “النصيحة بقى مني إن أنا كنت بعمل كل حاجه صح معاد إني ألبس mask وأنا مع قرايبي وأصحابي القريبين. وكنت بلبسه وأنا خارجة من البيت بس لازم كل الناس تلبس mask وهي مع اي حد وفي أي مكان حتى لو في البيت وكمان غسل الإيدين كل شوية والأكل الصحي والشمس والنفسية تكون كويسة لأن أنا وجوزي كنا هنموت من الخوف رغم إننا مؤمنين بالله وقدره”.

واختتمت: “لو حد شك إن عنده مايقلقشي خالص ولا يروح يعمل مسحة ولا أي حاجه يتعالج في البيت ويعزل نفسه أسبوعين مع الڤيتامينات والأدوية وإن شاء الله هيبقى زي الفل ولو حس بوجع في الصدر يعمل أشعة CT ولو حد عايز أي استفسار أو مساعدة يتواصل معايا من غير تردد وأنا كمان ممكن أتبرع بالبلازما بتاعتي لأي حد وربنا يخليكوا ليا أنا عرفت أنا غالية عند الناس كلها.. ربنا يحفظكوا جميعا بحبكوا اوي اوي”.

زر الذهاب إلى الأعلى