«65 بنت في أغنية واحدة».. محمود كلازا يكشف مفاجأة عن أغنية كتبها لتامر حسني

كشف الشاعر محمود كلازا عن تفاصيل مشروع غنائي كان يجمعه بالفنان تامر حسني،  وكانت الفكرة تدور حول أغنية تتناول قصص جميع البنات، وتضم أسماء نحو 65 فتاة، إلا أن المشروع لم يكتمل.

وقال خلال لقائه مع سارة سامي في برنامج «أنا وهو وهي» المذاع على قناة «صدى البلد»:: «تامر دائما بيحسس الناس اللي زينا، إن هو صاحبنا أو إن هو أخونا، يعني اللي هو تامر ما عندوش مشكلة، وده حصل معايا، أنا كان عندي أغنية مع بنت لبنانية اسمها مها فتوني، اسمها 'سافرت بعيد'».

وأضاف: «هو نزل لي ستوري على صفحته، وشكر في الأغنية وإيه الجمال ده؟ هو ما عندوش الإيجو بتاع النجم، عشان قلبه ما فيش منه، فتامر بيشتغل الحاجة اللي شبهه، وفي نفس الوقت ما عملهاش قبل كده، ودي معادلة صعبة جدا».

وكشف عن تفاصيل المشروع الذي كان يجمعه بتامر حسني، موضحًا: «كان مشروع غنوة بتتكلم عن كل البنات، فيها اسم حوالي 65 بنت، كان الموضوع أغنية، بس هو الموضوع لسه ما كملش على خير».

وأشاد بجرأة تامر حسني في تقديم الأفكار المختلفة، قائلًا: «قليلين جدًا اللي بيخش في فكر كريتيف ويعملها، زي عسيلي مثلًا، فيه ناس طبعًا بتخش في أفكار».