بشرى: حصر الممثل في أدوار معينة تنمر مهني

أعلنت الفنانة بشرى، دعمها للفنان مدحت تيخا، بعد التصريحات التي أدلى بها بشأن حصره في الأعمال الكوميديا بسب وزنه الزائد، مؤكدة أن حصر الفنان في أدوار معينة على حسب شكله يعتبر تنمرا مهنيا.

كان الفنان مدحت تيخا، انتقد حصر الفنان ذو الوزن الزائد «التخين» في تقديم الأعمال الكوميدية فقط، مستنكرا حصره في أدوار معينة للقيام بها.

تنمر مهني

أضافت بشرى عبر حسابها على موقع التواصل الاجتماعي «إنستجرام»:«عندك حق ده نوع من التنمر المهني ربما يكون غير مقصود، بس متزعلش، أنا صغيرة مكنوش بيشغلوني عشان نحيفة، وأذكر إني قولت الكلام ده مع الناقد الكبير رحمه الله عصام بصيله».

تابعت بشرى: «قولت وقتها أول مرة أشوف كاستنج بالوزن، دلوقتي الحمدلله تخنت شوية، وبرضو مبيشغلنوش بس المرة عشان عندي شغل بحب اشغله وملتزمة في مواعيدي».

رد تيخا

ذكر «تيخا» عبر حسابه الرسمي بموقع التواصل الاجتماعي «فيسبوك»: «هو ليه معظم المخرجين حاليا شايفين أن الممثل التخين ميعملش غير كوميدي وبس، وإن أدواره محدودة، هو مفيش شرير تخين؟ مفيش تخين بيحب؟، أنا أهو حبيت واتحبيت واتجوزت».

تابع تيخا: «مفيش نصاب تخين؟ مفيش رجل أعمال تخين؟، مفيش مدرس تخين؟ مفيش تخين في الجامعة للدرجادي الرفيعين أشرار، ده حتي في مصر معظم الشعب تخان وزي القمر والعسل».

مسلسل شيخ العرب همام

شارك تيخا، في دراما رمضان 2022 بمسلسل «بيت الشدة»، ونال شهرة كبيرة بعد دوره في مسلسل شيخ العرب همام، من بطولة الفنان يحيي الفخراني، حيث أدى دور شقيقه سلام، ونال إعجاب الجمهور.

 

اول ظهور ل بشرى ومكاوي بعد تعرضهما لحادث

بشرى : عايزة أعمل دويتو مع روبي .. والأخيرة : «بينا علي الاستوديو »