محمود الخطيب : نعد بتدعيم قوي جدًا..ونطالب بالتطوير ومحاسبة المخطئ بمنظومة التحكيم

وعد محمود الخطيب رئيس النادي الأهلي، جماهير القلعة الحمراء، بدعم الفريق الأول للكرة بالنادي، خلال الفترة المقبلة.

وقال محمود الخطيب، في قناة الأهلي :" في تدعيم قوي جدًا في بعض المراكز اللي احنا محتاجينها ، ودا ميقللش من اللاعيبة الموجودة لانها من اميز اللاعبين الموجودين ، شركة الكرة بقت موجودة في ادارة منظومة الكرة في النادي الاهلي بالتنسيق مع مجلس الادارة لان لازم المجلس يدعم كل قرار".

وواصل :" اتحاد الكرة انتخب عشان يخدم كل الجهات ، والنادي الأهلي جزء من الجمعية العمومية للكرة المصرية ولينا حق نسأل ونحاسب ، آخر 3 مواسم بنلاقي حاجات بتحصل ومحدش بيحاسب حد ، منها رسوم قيد اللاعيبن ، مش معقول في ناس زيينا بتدفع وعليها مبالغ صغيرة وناس عليها مبالغ كبيرة ومش بتدفع فين العدالة والمساواة ، ضغط المباريات اللي بيحصل علينا عقاب لينا عشان بنشرف الكرة المصرية ، لما يبقى المقر مقفول وتفتحه عشان تسجل اللاعبين ، أنا سمعت مسؤول بيقول احنا جالنا جواب حرمان من القيد بس نجحنا أننا نتكتم عليه ، أنت نجحت مع مين والجواب راح لمين ؟".

وأكد :" احنا كل شوية بنبعت خطابات لاتحاد الكرة بخصوص التحكيم ومش بنلاقي منهم غير كلام، وبخصوص بطولة افريقيا السيد وزير الشباب عمل لجنة وجيه النادي الاهلي وسألو الاتحاد المصري والافريقي وفي كل حتة ، بعدها اصدروا قرار إن اتحاد الكرة مخطئ والادارة التنفيذية اخطأت ، نعمل ايه بقى السيد الوزير قال مقدرش احاسب الاتحاد المصري ، الاتحاد الافريقي بعد المؤتمر بتاعنا قالنا احنا مقدرين ضيق جمهور الاهلي ومجلس ادارته ، قدروا دلوقتي يغيروا شوية حاجات في الاتحاد الافريقي فا هما اخدوا موقف ، لكن اتحاد الكرة والتنفيذي ايه الخطوات اللي اخدوها او الموقف اللي اتاخد معاهم".

وشدد :" احنا بنطالب الأتي  :- التطوير الشامل والمحاسبة الواضحة للمخطئ لمنظومة التحكيم اللي تحتها ألف خط، وتنظيم مواعيد البطولات المحلية مع مراعاة الإلتزامات القارية والدولية لأن الأهلي الأكثر تضررًا".

سيرجيو راموس يطالب بالاستفادة من حكيم سان جيرمان

ميسي رجل مباراة سان جيرمان ونانت في كأس السوبر الفرنسي
زر الذهاب إلى الأعلى