آثار الحكيم: الحجاب مش بالطرحة بس وبطالب بمحو الأمية الدينية

كشفت الفنانة آثار الحكيم موقفها من الحجاب، مثل الفنانة شادية والفنانة شمس البارودي.

قالت آثار الحكيم في لقائها مع الإعلامية نهال طايل ببرنامج تفاصيل، المذاع على قناة صدى البلد 2: «ربنا يكرم الجميع.. الحجاب أن تحجبي آذيتك عن الجميع، الحجاب تحجبي ما يغضب الله ماتعمليهوش».

وتابعت: «مش لازم ناخد قيمة عبادة جميلة زي دي بالشكل الخارجي نلبس طرحة أو ربنا يغفر للبنات لأن البنطلون حاجة صعبة، إحنا ربنا هيحاسبنا في 20 حاجة مش لازم كل حاجة أجيب فيها 100% لكن لازم أجتهد في كل الحاجات اللي ربنا يرضى عني ونبقى من أصحاب الجنة».

واستكملت آثار الحكيم: «فربنا يكرمنا علشان الرحلة الثالثة اللي رايحيينها في القبر، حياة هنقابل أهالينا اللي سبقونا وهبقى شايفة مقعدي في الجنة زي ما ربنا ما قالي نحتسب أنفسنا من المؤمنين ودي رحلة طويلة جدًا من 100 ألف لـ 200 ألف سنة رحلة القبر أو روضة الجنة وبعدين الرحلة الأخيرة الرابعة في الجنة إن شاء الله خالدين فيها بلا حساب».

وناشدت بحملات محو الأمية الدينية، معلقة: «لازم نعرف لينا إيه وعلينا إيه لأن القرآن الكريم كتاب تشريح للنفس البشرية لأن ربنا قايل نعمل إيه ومنعملش إيه».