أبو العينين: 30 يونيو ثورة شعب حماها الجيش

أكد النائب محمد أبو العينين، رئيس البرلمان الأورومتوسطي، أن ثورة 30 يونيو مثلت طوق النجاة للدولة المصرية، مشددًا على أنها أعادت بناء الوطن وفتحت الباب أمام مرحلة جديدة من التنمية الشاملة، مشيدًا بدور الرئيس عبد الفتاح السيسي في حماية الدولة وتعزيز مكانتها الإقليمية والدولية، مؤكدًا أن مصر أصبحت نموذجًا في الاستقرار والتنمية.

وقال النائب محمد أبو العينين، رئيس البرلمان الأورومتوسطي على هامش حفل تدشين كتاب رجل الأقدار الذي عرضه الإعلامي حمدي رزق في برنامج 'نظرة' المذاع على قناة 'صدى البلد: عايز أتكلم بقى عن شهادة تاريخية.. شهادة تاريخية أنا عشتها بنفسي وأنا الحقيقة من الناس اللي عانوا من وجود المرحلة 2011 واللي حصل فيها سواء كان في مصانعي أو في حياتي الشخصية وكل ما أثير فيها من تهديد.

وتابع أبو العينين: النهاردة إحنا بنتكلم على موقف تاريخي لازم إن إحنا نرصده بصحيح ولازم نقوله للناس كلها.. لازم نقول إن إحنا النهاردة ربنا حبانا وحبا مصر بقائد.. قائد حمى شعب ثورة الشعب المصري، ثورة 30 يونيو هي ثورة شعب حماها الجيش وقيادة الجيش، هذه الثورة الشعبية مجاتش من فراغ دي جات من ألم جات من عذاب جات من إحساس إن مش دي مصر.. مصر بتضيع مننا ومصر رايحة في حتة تانية مصر والدين رايح في حتة تانية.

وأضاف أبو العينين: الحقيقة كان في الوقت المناسب وساعة الصفر القائد والزعيم قال كلمته.. كلمته التاريخية اللي إحنا كلنا يمكن حسينا بالفرحة والبهجة لما طلع الرئيس وقال لا نستطيع أبداً أن نغض البصر عن اللي بيحصل، كانت الصرخة دي كانت القوة والرسالة الحقيقية اللي الشعب انتعش فيها وقال هو ده جيشنا وهو ده قائد جيشنا اللي وقف يجمع بوتقة الصهر المصرية بين مسلم ومسيحي ويقول للعالم كله إحنا النهاردة بنجتمع على قلب رجل واحد من أجل إعادة البناء من أجل التنمية من أجل الوحدة مش هنسيب بلدنا لحد.

وواصل النائب أبو العينين: كانت الرسالة رغم كل التحديات وكل التهديدات الخطيرة هذا الرجل شهادة للتاريخ زي ما بيقولوا كده حط روحه على كفه وقدمها لمصر، كان ممكن جداً كل البدائل تحصل وكان ممكن جداً تحصل حاجات كتير جداً لكن هي الشجاعة والإقدام والرجولة والشهامة المصرية خلته دخل الآنا في ذات مصر فكان الحقيقة الشعب كله بادله حب بحب ووفاء بوفاء وتمسكنا به عشان نبني مصر الحديثة.

وصرح رئيس البرلمان الأورومتوسطي بأن الثورة كانت بشرى جديدة لمصر بدأنا نتكلم على التنمية وبدأنا عن فكر جديد لأول مرة يحصل، وفي العادة زي ما اتعودنا قبل كده إن الرؤساء بيقولوا على إننا بنعمل خطة أو خمس سنوات الحقيقة الرئيس عبد الفتاح السيسي هو أول رئيس لمصر يقول أنا مش هعمل خطة أنا هعمل رؤية مستقبلية لمصر وأنا حدود الخطة بتاعتي هي عنان السماء، هي التنمية هي تفجير الطاقات البشرية الموجودة في مصر سواء كانت في الشباب أو في المرأة أو في كل الخبرات، هي تفجير الطاقات الطبيعية اللي موجودة تحت الأرض إزاي أنا أفجرها؟ فكانت اتفاقيات البترول واتفاقيات الغاز واتفاقيات الذهب واتفاقيات الفوسفات وهفجر الطاقات القوية للموقع الجغرافي بتاعنا فكانت الموانئ العصرية الحديثة والموانئ المحورية اللي شفناها في بورسعيد وشفناها في دمياط وشفناها في إسكندرية وشفناها في السخنة دي لخدمة التجارة الدولية تجارة الخدمات النهاردة بتنمو وتزدهر كتير جداً.

وأوضح النائب أبو العينين: بدأنا نفكر التفكير العلمي الحديث إن إحنا إزاي نفجر الأراضي المصرية اللي كانت على مدى التاريخ صحراء جرداء إزاي نعمل لها قيمة وقيمة مضافة كبيرة فكان الحقيقة التوسع العمراني اللي طلعنا فيه من 6%حوالين الوادي الضيق اللي عدينا النهاردة أكتر من 12 %عشان نعمل الظهير العمراني لكل محافظة وراء المحافظة ويمتد فيها الإسكان بمشروعات حيوية جديدة وطرق جديدة ومرافق جديدة وإسكان مشروعات إسكانية جديدة ومشروعات زراعية ومشروعات صناعية ومشروعات عمرانية في كل محافظة على حدة.

واختتم أبو العينين: بدأنا نفجر هذه الطاقات بعد ما كانت صحراء جرداء النهاردة المتر النهاردة المتر اللي كان بـ 50 قرش ملوش قيمة في بعض الحالات أصبح النهاردة بـ 20 و30 ألف جنيه ويوصل لأكثر من كده كمان في بعض المناطق.