أبو يعلن تأجيل طرح أغنية «الحرب العالمية».. فيديو

أعلن الفنان أبو، عن تأجيل طرح أغنيته الجديدة «الحرب العالمية»، بسبب تصاعد الأحدث في لبنان، حيث كان من المقرر طرحها اليوم الأربعاء عبر قناته الرسمية على اليوتيوب، وعدد من المنصات الموسيقية الرقمية.

ونشر أبو، مقطع فيديو عبر صفحته الرسمية على موقع انستجرام، كشف من خلاله عن تأجيل طرح أغنية «الحرب العالمية»، قائلاً: «صباح الفل عليكم، النهاردة كان المفروض تنزل أغنية الحرب العالمية، زي ما نزل التلير، وأنا بعمل الفيديو عشان اعتذر لكم عن عدم نزول الأغنية النهاردة، بسبب الأحداث الإرهابية اللي بتحصل من الكيان المحتل في لبنان'

وتابع أبو، قائلاً: «بس ده برضه ياخدني لموضوع إن الفن سواء المرئي أو المسموع.. فيلم، تمثيلية، أغنية، لوحة فنية، أي كان نوع الفن، يعتبر النفس اللي بتاخده الناس بعد زحمة الحياة ومشاكلها والتفاصيل اللي بيعيشوها في حياتهم اليومية، بيبقى الواحد عايز ياخد براح ونفس إن يروح يقرأ قصة أدبية أو يتفرج على تمثيلية أو يسمع أغنية أو يحضر حفلة».

وكشف أبو، عن السبب الذي دفعه لاتخاذ قرار تأجيل الأغنية، قائلاً: 'أنا اللي اخترت تأجيل الأغنية دي بصفة شخصية بعد ما كان عندي مكالمات مع أصدقائي في لبنان، وشوفت إن الدنيا عندهم بجد صعبة.. حسيت إني مش هقدر أنزل الأغنية، بس ده مش معناه إن أي حد هينزل أي عمل فني غلطان في أي حاجة؛ لأن زي ما قولت لكم الفن هو الحتة اللي الناس بتروح لها عشان تهرب من صعوبة واقع الحياة.. شكرًا وإن شاء الله هبلغكم بموعد نزول الأغنية.. وربنا ينصر أخواتنا في كل مكان».

 

View this post on Instagram

 

A post shared by ⒶⒷⓊ - ابو (@abumusic)