أبو يكشف موقفه من دخول مجال التمثيل: أشفق على النجوم من قعدة الكرفان

كشف الفنان أبو موقفه من دخول مجال التمثيل، وكواليس أغانيه.

قال أبو عبر تصريحات إذاعية: «بحب فكرة دمج الأغاني وده اللى عملنه في أغنية أهواك وأغنية ييجي الليل، وبحب أغير في الحدوتة، والأغنيتين ليهم قصص ومواقف حقيقية حصلت معايا».

موقف أبو من دخول مجال التمثيل

وتابع: «أغنية 3 دقات عملت لها اللحن كله الأول، وبعدين كتبت أول كوبليه، ولما قابلت تامر حبيب خلصناها في قعدة وطبعًا كانت نقطة تحول في حياتي».

واستكمل أبو: «قعدة الكرفان من وجهة نظري حاجة حزينة جدًا، وبشفق على كل صحابي النجوم اللي بيقعدوا فترات طويلة في الكرفان عشان يطلعوا بمشهدين أو تلاتة، بحسها حاجة مرهقة جدًا».

تصريحات أبو

وفيما يخص نوعية الأدوار التي يرغب في تقديمها، علق قائلًا: «لو همثل أحب أقدم الأدوار السيكوباتية جدًا، ونفسي أجرب  دور زى اللي في فيلم الجوكر كده، وحابب أعمل حاجة فيها تمثيل بجد، والحلم اللي نفسي أعمله هو مسرحية موسيقية، ويا سلام لو ليها علاقة بمصر».