أحمد رمزي يرد على انتقادات طارق الشناوي: تجربة طبيعي يكون فيها أخطاء

رد الفنان أحمد رمزي على الانتقادات التي تلقاها من الناقد الفني طارق الشناوي، بعد عرض مسلسل فخر الدلتا.

قال أحمد رمزي عبر تصريحات تلفزيونية: «رأي يُحترم طبعًا، أستاذ كبير، وإن شاء الله ناخد بالنا في العمل الجاي ويبقى أحسن وأحسن.. لكن اللي حاسس بيه بجد إن العمل اللي جاي هيكون أفضل».

رد أحمد رمزي على انتقادات طارق الشناوي

وتابع: «أنا بجد أول مرة أسوق عربية، وعايزيني أجري على الطريق وسط ناس بتسوق بقالها عشرين سنة.. أنا نازل وسط منافسة نجوم كبار، وأنا تقريبًا أول حد».

واستكمل أحمد رمزي: «أنا والكاست اللي معايا والمخرج كمان جديدين، وكل حاجة في التجربة جديدة، وده مش موجود في أي مسلسل في رمضان، هي تجربة محترمة ونستحق إننا نسقفلها، وطبيعي يكون فيها أخطاء».

تصريحات أحمد رمزي

واختتم: «الصعب في التجربة كان إزاي أحضّر للشخصية من غير افتعال، لأنها شخصية طبيعية جدًا، وده بيحتاج مجهود كبير عشان الناس تحس إن الشخص ده حقيقي والقريب بيني وبين الشخصية إني شخص مكافح وبحب أنجح».