أحمد سعد: بعد تجربة الزواج من أربعة.. لاقيت النضج في اختيار واحدة بتهتم بنفسها مش بيا

تحدث الفنان أحمد سعد عن تجربة زواجه الرابعة بعد ثلاث تجارب فاشلة، كما تطرق الحديث على مقابلته للنجم العالمي ويل سميث، وفيما يلي نرصد عدد من تصريحات الفنان أحمد سعد التلفزيونية التي آدلى بها مؤخرًا.

أحمد سعد يتحدث عن زوجته

• من خلال تجربة زواجي أربع مرات، شايف إن قمة النضج إنك تختار زوجة بتهتم بنفسها مش بتهتم بيك أكتر شيء وبتحب نفسها أوي علشان لما تحب نفسها أكتر حاجة تقدر تحبك، مش تقول إنها بتحبني أكتر حد في الدنيا لأ تكون بتحب نفسها وتهتم بنفسها
• لازم يكون عندها كيان وبتحب كيانها لأنها لو بتحب كيانها هتقدر تحب كيانك ولو فاقدة أي شيء في حبها لنفسها مش هتحبك أكتر حاجة
• سميت بنتي على اسم مراتي لأن كان نفسها تسميها باسمها ووافقت منعًا للمشاكل في البيت
• مراتي اتبسطت من أغنية عليكي عيون وأنا سمعتها ليها وإحنا مش بنكلم بعض
• بسبب الأغنية كلمنا بعض وعرفت أنها مؤشر حلو جدًا لأن اللي بيطلع من القلب واللي بيكون حقيقي بيوصل للناس كل ما نتخانق مع بعض ببعت لها الأغنية دي

أحمد سعد وويل سميث

• لما قابلت ويل سميث سمع الأغاني بتاعتي وانبسط انبساط غير عادي
• لما سمع وسع كانت بالنسبة له مزيكا مختلفة وطلب مني نعمل مع بعض ديو

سمية الخشاب تشيد بموهبة أحمد سعد بعد رقص ويل سميث على أغنيته: ميقلش عن أي فنان عالمي

ويل سميث يرقص مع أحمد سعد على أغنية إيه اليوم الحلو ده.. فيديو

أحمد سعد يشعل احتفالية «كتف في كتف» بأغنية «إيه اليوم الحلو ده»

مسلسلات رمضان 2023 .. طرح أغنية «جعفر العمدة» بصوت أحمد سعد