أحمد سعد عن تعاونه مع ياسمين عبدالعزيز: «بيننا كيميا جميلة»

تحدث الفنان أحمد سعد عن تعاونه مع الفنانة ياسمين عبدالعزيز، بعد نشر فيديو طريف يجمعهما.

قال أحمد سعد عبر تصريحات تلفزيونية: «مش هقدر أقول بنعمل إيه جديد لأن مش في إيدي إني أعلن دي حاجة مشتركة بين ناس كتير».

تصريحات أحمد سعد عن تعاونه مع ياسمين عبدالعزيز

وتابع: «بس فيه كيميا بيني وبينها جميلة، وهي إنسانة لذيذة وأنا بحبها على المستوى الشخصي والفني، وإن شاء الله يكون فيه حاجة حلوة بينا».

وفي وقت سابق، كشف الفنان أحمد سعد كواليس الألوان الغنائية التي اعتاد تقديمها في بداية مشواره الفني، لافتًا إلى أنه كان يقدم أغاني طربية صعبة على الجمهور.

تصريحات أحمد سعد

قال أحمد سعد عبر تصريحات إعلامية: «قعدت 15 أو 13 سنة بعمل أغاني مش صعبة على الجمهور، صعبة على المغنيين صحابي، طب ليه؟ أنت بتحارب الناس ليه؟ دول جايين عشان يغنوا معاك».

وروى موقف طريف مرّ به في بدايات مشواره الفني، عندما طلب منه أحد الأشخاص في حفل زفافه الغناء، على الرغم من أنه يُقدم أغاني حزينة.

وتابع أحمد سعد: «مرة في بداية حياتي، واحد جابني في فرح وصعب عليا جدًا، كنت عايز أقوله ليه تبوظ فرحك؟ ليه جايبني ده أنا حزين جدًا، أنت بتبيع منتج ولازم حد يشتريه، المطرب مش هو المسؤول الأساسي عن الحاجات اللي بيعرضها، اللي بيشتري هو كمان مسؤول، لأني مش هبيع حاجة مبتتبعش».

واختتم: «فضلت طول عمري أبيع حاجات مبتتبعش، وأعملها وأنشرها وبعد ما أخلص الغناء أروح البيت ومحدش بيجيبني في الأفراح ولا الحفلات، هو بحر، كل ما بتنزل في الهبوط، الناس تشتري أكتر.. فأنا ممكن أروح للناس بالشكل اللي هما عايزينه، وأخدهم معايا ونرتقي».