أحمد موسى: اشتغلت في جني القطن وكنت باخد قروش وأنا في إعدادي عشان أساعد نفسي

كشف الإعلامي أحمد موسى عن كفاحه منذ الصغر، وعمله في الحقول مع والده وإخوته، حيث كان يشارك في حصاد القمح وجني القطن منذ مرحلة الإعدادية لمساعدة نفسه وتخفيف أعباء أسرته.

وقال الإعلامي أحمد موسى خلال لقائه مع الإعلامي نشأت الديهي في برنامج «بالورقة والقلم» على قناة «TEN»: «أنا كنت في فترة الصيف بشتغل في جني القطن وأنا كنت بروح مع والدي وإخواتي الأرض وموسم الحصاد كان بيبقا فرحة طبعا كنا بنحصد آخر النهار لحد الفجر عشان الصيف بيكون حر».

وأضاف: «وبنكون 30 واحد كده حوالين بعض، وجني القطن بيكون موسم الزواج وفرحة الناس».

وتابع: «من وأنا في إعدادي وثانوي والجامعة كنت بشتغل في جني القطن والحصاد والذرة عشان أساعد نفسي».

واختتم: «أول قبض أخدته كان كام قرش حوالي 70 أو 80 قرش في اليوم، في الشهر كان حوالي 5 جنيه واشتغلت في جمع العنب والناس النهارده بتشوفنا على الشاشة إحنا تعبنا جدًا في حياتنا».